शिवसेनेचे खासदार संजय राऊत यांनी ईडीवर १६० कोटी रुपयांची उधळपट्टी केल्याचा आरोप आहे. या प्रकरणी आता मुख्यमंत्री उद्धव ठाकरे यांनी सीबीआय चौकशीची शिफारस करावी. अशी मागणी भारतीय जनता पार्टीचे नेते मोहित कंबोज यांनी केली आहे. सरकारने तसे न केल्यास मी न्यायालयात जनहित याचिका दाखल करणार असल्याचेही कंबोज म्हणाले आहेत.
आज आपल्या निवासस्थानी पत्रकारांशी बोलताना मोहित म्हणाले की, संजय राऊत यांनी सीबीआयला याबाबत पत्र लिहावे. लाच देणे आणि घेणे दोन्ही गुन्हा आहे. त्यामुळे या प्रकरणाची सीबीआय चौकशी व्हायला हवी. आणि राऊत यांनी ज्यांच्यावर आरोप केले आहेत त्यापैकी अनेक लोक तुरुंगात आहेत. राऊत यांना धमकी देऊन वसुलीचे रॅकेट उभारायचे आहे का? तर मुख्यमंत्री उद्धव ठाकरेही राऊत यांच्या आरोपांशी सहमत आहेत का? असा सवाल कंबोज यांनी केला आहे. एवढा मोठा आरोप करून सीबीआय चौकशीची मागणी का केली नाही. राऊत यांनी पत्रकार परिषदेत जितू नवलानीचे नाव घेतले, मात्र ईडीला पैसे कसे मिळतात हे सांगितलेले नाही. की ही फक्त सलीम जावेदची कहाणी आहे का? असाही सवाल कंबोज यांनी उपस्थित केला आहे.
पुढे कंबोज म्हणाले की, संजय राऊत यांनी पीएमओला पत्र लिहिले आहे. त्या आधारावर मुख्यमंत्र्यांनी सीबीआय चौकशीची मागणी करावी. ईडीला लाच देणाऱ्या ७० जणांना आरोपी बनवावे. आणि जर राज्य सरकारने १५ दिवसांत सीबीआय चौकशीची मागणी न केल्यास मी न्यायालयात जनहित याचिका दाखल करणार असल्याचे कंबोज यांनी सांगितले आहे.
हे ही वाचा:
नवाब मालिकांना न्यायालयाचा दणका; ईडीने केलेली कारवाई कायद्याला अनुसरूनच
अनेक राज्यांत ‘द काश्मीर फाइल्स’ चित्रपट करमुक्त!
‘ठाकरे सरकार हे कोडगं सरकार आहे’
रशिया युक्रेन युद्धात इस्त्रायल करणार मध्यस्थी!
दरम्यान, माध्यमांशी बोलताना कंबोज यांना डॉ. लांबे यांच्याबद्दल विचारले. त्यावर कंबोज यांनी, ” वक्फ बोर्डाचे माजी सदस्य डॉ. लांबे यांनी राष्ट्रवादीच्या तिकिटावर निवडणूक लढवली होती. भाजपा सरकारने त्यांची वक्फ बोर्डावर नियुक्ती केली नव्हती. सप्टेंबर २०१९ मध्ये वक्फ बोर्डाची निवडणूक त्यांनी जिंकली आहे. मात्र तो एक बलात्कार प्रकरणातील आरोपी आहे. राष्ट्रवादीचे अध्यक्ष शरद पवार यांच्यासोबतचे त्यांचे छायाचित्र आहे. दाऊदच्या लोकांसोबत राष्ट्रवादीच्या नेत्यांचेच फोटो का येतात? असा थेट सवाल कंबोज यांनी उपस्थित केला आहे.
