29 C
Mumbai
Saturday, April 13, 2024
घरक्राईमनामाटीएमसीच्या नेत्या महुआ मोईत्रा यांच्या संबंधित ठिकाणांवर सीबीआयकडून धाडसत्र

टीएमसीच्या नेत्या महुआ मोईत्रा यांच्या संबंधित ठिकाणांवर सीबीआयकडून धाडसत्र

पश्चिम बंगालमधील अनेक ठिकाणी छापे

Google News Follow

Related

तृणमूल कॉंग्रेसच्या म्हणजेच टीएमसीच्या नेत्या महुआ मोईत्रा यांच्या विरोधातील मनी लाँड्रिंग प्रकरणाच्या संदर्भात केंद्रीय अन्वेषण विभागाकडून कारवाई सुरू आहे. सीबीआयकडून पश्चिम बंगालमधील अनेक ठिकाणी छापे टाकण्यात येत आहे. शनिवार २३ मार्च रोजी सकाळीचं सीबीआयकडून कारवाईला सुरुवात झाली आहे.

सीबीआयचे पथक महुआ मोईत्रा यांच्या संबंधित अनेक ठिकाणी छापे टाकण्यासाठी पोहोचली आहे. रोख रकमेप्रकरणात कारवाईसाठी सीबीआयची टीम कोलकाता येथील महुआ मोईत्रा यांच्या अलिपोर भागात आणि इतर अनेक ठिकाणी पोहचली आहे. माहितीनुसार, सीबीआयचे एक पथक मोईत्रा यांच्या वडिलांच्या निवासस्थानी पोहोचले आहे. तसेच सीबीआय महुआ मोईत्रा यांच्याशी संबंधित अनेक ठिकाणी छापे टाकत आहे. शिवाय सोबतच कॅश फॉर क्वेरी प्रकरणाशी संबंधित कागदपत्रे आणि पुरावे गोळा करण्याचे कामही सुरू आहे.

तृणमूल काँग्रेसच्या नेत्या आणि माजी खासदार महुआ मोईत्रा यांच्यावर करण्यात आलेल्या सर्व आरोपांची चौकशी करण्याचे आणि सहा महिन्यांत अहवाल सादर करण्याचे आदेश लोकपालने मंगळवार, १९ मार्च रोजी सीबीआयला दिले होते. त्यानंतर सीबीआयकडून कारवाईला वेग आला आहे.

हे ही वाचा:

केट मिडलटन यांना कर्करोग; व्हिडीओतून दिली उपचारांची माहिती

२० वर्षांपासून फरार असलेल्या गँगस्टर प्रसाद पुजारीचं चीनमधून भारतात प्रत्यार्पण

पंतप्रधान मोदींकडून मॉस्कोतील दहशतवादी हल्ल्याचा तीव्र निषेध

कर्णधार ऋतुराजची विजयी सलामी

महुआ मोईत्रा यांना गेल्या वर्षी डिसेंबरमध्ये कॅश फॉर क्वेरी प्रकरणात खासदारकीचा राजीनामा द्यावा लागला होता. भाजपा खासदार निशिकांत दुबे यांनी लोकसभा अध्यक्षांकडे महुआ यांच्याविरोधात तक्रार दाखल केली होती. महुआ यांनी अदानी यांच्याविरोधात संसदेत प्रश्न विचारण्यासाठी दुबईतील व्यापारी दर्शन हिरानंदानी यांच्याकडून रोख रक्कम आणि भेटवस्तू घेतल्या होत्या, असे तक्रारीत म्हटले होते. मात्र, मोईत्रा यांनी हे दावे फेटाळून लावले असून अदानी समूहाच्या सौद्यांविषयी प्रश्न उपस्थित केल्यामुळे लक्ष्य केले जात असल्याचा आरोप केला आहे.

spot_img

लेखकाकडून अधिक

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

आम्हाला follow करा

49,899चाहतेआवड दर्शवा
2,036अनुयायीअनुकरण करा
146,000सदस्य यादीसदस्य व्हा

इतर नवीनतम कथा