मतपत्रिकांवर झालेल्या देशातील २८ विधानपरिषद निवडणुकांत काँग्रेसला शून्य

काँग्रेस नेहमीच मतपत्रिकेवर निवडणुका घेण्याची मागणी करत आली आहे. एमएलसी निवडणुका मतपत्रिकेवरच घेण्यात आल्या आहेत. मात्र, या निवडणुकीत पराभव झाल्यानंतर अनेक पक्षांनी काँग्रेसवर टीका केली आहे.

काँग्रेसला मिळाल्या शून्य जागा

काँग्रेसने चार राज्यांतील विधान परिषदेच्या २८ जागांपैकी १२ जागांवर निवडणूक लढवली होती आणि या सर्व जागांवर काँग्रेसचा पराभव झाला आहे. उत्तर प्रदेशातील ११ जागांपैकी काँग्रेसने कुठेही निवडणूक लढवली नव्हती. कर्नाटकमध्ये स्वतःचे सरकार असतानाही काँग्रेसला पराभवाचा सामना करावा लागला आहे. काँग्रेसला एकही जागा मिळालेली नाही.

महाराष्ट्रात काँग्रेसने ३ जागांवर निवडणूक लढवली आहे. येथे मतमोजणी अद्याप सुरू आहे; मात्र तिन्ही जागांवर काँग्रेसचे उमेदवार पिछाडीवर आहेत. बिहारमध्ये काँग्रेसने ५ जागांवर निवडणूक लढवली होती आणि येथेही सर्व जागांवर काँग्रेसचा पराभव झाला आहे. अशाप्रकारे काँग्रेसने लढवलेल्या १२ पैकी सर्व १२ जागांवर काँग्रेसला पराभव पत्करावा लागला आहे.

हे ही वाचा:

एआय क्षेत्रातील कर्जसंकटामुळे २०० हून अधिक कंपन्यांचे अस्तित्व धोक्यात

जिओची २१% प्रीमियमवर ऐतिहासिक लिस्टिंग

पाकिस्तानने केला साहेबांचा गेम!

पाच षटकांत शंभर… टीम इंडिया एक नंबर!

बिहारचे आकडे चिंताजनक

काँग्रेसचे लोकसभा खासदार मनोज कुमार यांनी एबीपी न्यूजशी बोलताना म्हटले की, “बिहारमध्ये जे निकाल आले आहेत, ते चिंताजनक आहेत. नेत्यांची जबाबदारी निश्चित केली पाहिजे. मी काँग्रेस अध्यक्ष खरगे आणि राहुल गांधी यांना विनंती करतो की, जबाबदारी निश्चित करा. संघटनेमध्ये ज्या काही त्रुटी आहेत, त्या दूर करा. या संपूर्ण प्रकरणाची दखल घेतली पाहिजे. नेत्यांना प्रचार-प्रसाराच्या कामात सहभागी करून घेण्यात आले नाही. मी स्वतःच्या इच्छेने सदाकत आश्रममध्ये गेलो होतो. मला कोणीही कोणतेही काम दिले नव्हते.”

काँग्रेस नेते अखिलेश प्रसाद सिंह म्हणाले, “कामगिरी चांगली झाली नाही आणि उमेदवारांची निवडही काही चांगली झाली नाही. त्यामुळे पराभव झाला. उमेदवारांच्या निवडीबाबत विचारले असता अखिलेश सिंह यांनी सांगितले की, याचे निश्चित उत्तर तुम्हाला तेथील प्रभारी आणि प्रदेशाध्यक्षांकडून घ्यावे लागेल. आम्ही बाहेरून परिस्थिती पाहत आहोत. आम्ही निर्णय घेण्याच्या प्रक्रियेत नाही. दुःख आहे, नाराजी आहे असे काय म्हणणार? राजकारणात नाराजीला स्थान नसते. मात्र, तेथे परिस्थिती अधिक चांगली होऊ शकली असती, जी झाली नाही. कोण नाराज राहणार? प्रभारी हे चांगले व्यक्ती आहेत. मात्र, जी राजकीय प्रक्रिया व्हायला हवी, ती होत नाही.”

दरम्यान, भाजपने एमएलसी निवडणुकीत २२ जागांवर निवडणूक लढवली होती. त्यापैकी भाजपने १४ जागा आपल्या नावावर केल्या आहेत.