वरिष्ठ वकील आणि काँग्रेस नेते अभिषेक मनू सिंघवी यांनी राष्ट्रीय काँग्रेसचे राज्यसभेचे उमेदवार म्हणून तेलंगणा येथून उमेदवारी अर्ज दाखल करताना सादर केलेल्या प्रतिज्ञापत्रात सुमारे २५५८ कोटींची एकूण मालमत्ता जाहीर केली आहे.
रिटर्निंग ऑफिसरकडे सादर केलेल्या या प्रतिज्ञापत्रात सिंघवी, त्यांच्या पत्नी आणि त्यांच्या हिंदू अविभाजित कुटुंब यांच्या मालमत्तेचा तपशील तसेच उत्पन्न, कर्जे आणि इतर आर्थिक हितसंबंधांची माहिती दिली आहे.
प्रतिज्ञापत्रानुसार, २०२४-२५ या आर्थिक वर्षात सिंघवी यांनी ₹३७४ कोटींपेक्षा जास्त उत्पन्न जाहीर केले आहे. त्यापूर्वीच्या वर्षांतील त्यांचे उत्पन्न असे होते:
२०२३-२४ : ₹३३३ कोटींपेक्षा अधिक
२०२२–२३: ₹३५९ कोटींपेक्षा अधिक
२०२१–२२: ₹२९० कोटींपेक्षा अधिक
२०२०–२१: ₹१५८ कोटींपेक्षा अधिक
या प्रतिज्ञापत्रात सिंघवी आणि त्यांच्या कुटुंबाकडे असलेल्या स्थावर मालमत्तेचा सविस्तर तपशील देण्यात आला आहे.
यामध्ये बँक ठेवी, शेअर्स व म्युच्युअल फंडातील गुंतवणूक, कर्जे व आगाऊ रक्कम, वाहने, दागदागिने आणि इतर मौल्यवान वस्तू यांचा समावेश आहे. सिंहवींकडे ₹२.४० कोटींचे दागिने असल्याचे नमूद केले आहे, तर त्यांच्या पत्नींकडे ₹१५७.५३ कोटींचे दागिने असल्याचे प्रतिज्ञापत्रात म्हटले आहे. तसेच सिंहवींकडे असलेल्या चित्रकला आणि कलाकृतींची किंमत ₹२५ कोटींपेक्षा जास्त असल्याचेही नमूद करण्यात आले आहे.
हे ही वाचा:
चिनी रिफायनरीकडे रांगा, म्हणून भारताकडे याचना
ऑलिम्पिक गोल्ड आणि टी-२० वर्ल्डकप २०२८ हेच पुढचे लक्ष्य
“पाकिस्तानचे मासिक तेल आयात बिल $६०० दशलक्ष पर्यंत वाढू शकते”
अली खामेनेई यांच्या निधनानंतर मोज्तबा खामेनेई इराणचे नवे सर्वोच्च नेते
स्थावर मालमत्तेमध्ये नवी दिल्ली येथे सिंघवी आणि त्यांच्या पत्नींच्या नावावर असलेल्या निवासी मालमत्तांचा समावेश आहे. तसेच मोठ्या प्रमाणात आर्थिक गुंतवणूक आणि इतर चल मालमत्तेचीही माहिती दिली आहे.
प्रतिज्ञापत्रानुसार सिंहवी यांनी सुमारे ₹३५३.३२ कोटींची वैयक्तिक कर्जे दिली आहेत, तसेच काही लहान कर्जे आणि मिळकतीही नमूद केल्या आहेत. त्यांच्या पत्नींनी स्वतंत्रपणे सुमारे ₹७२.९९ कोटींची कर्जे कंपन्यांना दिली असल्याचे जाहीर केले आहे. विशेष म्हणजे, या प्रतिज्ञापत्रात “इतर स्थिर मालमत्ता” या वर्गात घरगुती आणि कार्यालयीन उपकरणांचीही सविस्तर यादी देण्यात आली आहे.
या यादीमध्ये एअर कंडिशनर, फर्निचर, स्वयंपाकघरातील उपकरणे, संगणक आणि इतर उपकरणे यांचा समावेश आहे. त्यापैकी एका संगणकाची घसरणी नंतरची किंमत ₹१६३ इतकी दाखवण्यात आली आहे.
प्रतिज्ञापत्रानुसार सिंहवी यांच्यावर कोणतीही गुन्हेगारी शिक्षा नाही, मात्र आयकर खात्याने २०१४ मध्ये उत्पन्न कमी दाखवल्याच्या आरोपावरून दाखल केलेल्या खटल्याचा उल्लेख त्यात आहे. या प्रकरणाची सुनावणी दिल्लीतील न्यायालयात प्रलंबित असून, ती दिल्ली उच्च न्यायालयाने स्थगित केल्याचे प्रतिज्ञापत्रात नमूद आहे.
याशिवाय, प्रतिज्ञापत्रात सिंहवी यांच्यावर ₹६३ कोटींपेक्षा जास्त आयकर थकबाकी असल्याचाही उल्लेख करण्यात आला आहे.
