काँग्रेस विरुद्ध काँग्रेस संघर्ष टोकाला

मध्य प्रदेशचे माजी मुख्यमंत्री आणि काँग्रेस नेते दिग्विजय सिंह यांनी अलीकडे राष्ट्रीय स्वयंसेवक संघ (आरएसएस) संदर्भात एक पोस्ट केली होती. त्या पोस्टवरून वाद सुरू आहे. दिग्विजय सिंह यांच्या वक्तव्याकडे भारतीय जनता पार्टी (भाजप) आपल्या संघटनेच्या स्तुतीसारखे पाहत आहे. या पार्श्वभूमीवर रविवारी भाजप प्रवक्ते शहजाद पूनावाला यांनी प्रतिक्रिया दिली. भाजप प्रवक्ते शहजाद पूनावाला यांनी काँग्रेसवर टीका केली. ते म्हणाले, “आता हे स्पष्ट झाले आहे की काँग्रेस विरुद्ध काँग्रेस हा संघर्ष टोकाला पोहोचला आहे. आपण आधी पाहिले की शशी थरूर यांनी राहुल गांधींविरोधात अविश्वास ठराव मांडला आणि त्यांच्या भूमिकेपासून स्वतःला दूर केले. त्यानंतर इमरान मसूद म्हणाले — ‘प्रियांका आणा, काँग्रेस वाचवा.’ मोहम्मद मोकिम यांनीही तेच सांगितले. आता दिग्विजय सिंह, जे राहुल गांधींचे मार्गदर्शक (मेंटर) मानले जातात, त्यांनी एक नव्हे तर अनेक वेळा पोस्ट करून सांगितले की आमची संघटना कमकुवत आहे. त्यांच्या वक्तव्यांवरून काँग्रेस अतिशय केंद्रीकृत आहे, त्यात लोकशाही नाही, हे स्पष्ट होते. राहुल गांधी आपल्या पराभवाची कारणे स्वीकारायला तयार नाहीत. त्यांना सत्याचा सामना करायचा नाही.”

पूनावाला पुढे म्हणाले, “दबावामुळे दिग्विजय सिंह यांनी आपले वक्तव्य थोडेफार बदलले, पण मूळ आशय तोच आहे राहुल गांधींसोबत जनमत नाही. त्यांच्या नेतृत्वाखाली पक्षाने जवळपास ९५ निवडणुका हरल्या आहेत. ना नॅशनल कॉन्फरन्सपासून उमर अब्दुल्ला, ना डावे, ना समाजवादी पक्ष कुणालाही राहुल गांधींच्या नेतृत्वावर विश्वास नाही. आता तर त्यांच्या घरातील आणि कुटुंबातील लोकही त्यांच्या बाजूने नाहीत. त्यामुळे आता प्रश्न असा आहे की दिग्विजय सिंह यांच्यावर कारवाई होणार का? जसे मोहम्मद मोकिम यांनी पक्षाविषयी काही बोलताच राहुल गांधी गटाने त्यांच्यावर कारवाई केली. त्यामुळे आता राहुल गांधी गट प्रियांका गांधी गटावर कोणती कारवाई करतो, हे पाहावे लागेल.”

हेही वाचा..

दारू दरवर्षी ८ लाख युरोपीय लोकांचा घेते जीव

पंतप्रधान मोदी यांनी मुख्य सचिवांच्या बैठकीचे अध्यक्षस्थान भूषवले

तैवानमध्ये भूकंपामुळे गगनचुंबी इमारती हादरल्या

ईराण-पाकिस्तानने अफगाण शरणार्थ्यांना बाहेर काढले

ते पुढे म्हणाले, “बांगलादेशातील परिस्थितीवर सॅम पित्रोदा यांनी भारतालाच दोष दिला आहे. त्यामुळे पुन्हा एकदा ‘अंकल सॅम’ बांगलादेशातील जिहादींच्या बचावासाठी पुढे आले आहेत. हेच ते अंकल सॅम आहेत जे भारतीयांची तुलना आफ्रिकन आणि चायनीज लोकांशी करून वंशभेदी वक्तव्य करतात, पाकिस्तानला २६/११ आणि पुलवामासाठी क्लीन चिट देतात आणि घुसखोरांचे समर्थन करतात. आता त्यांनी बांगलादेशात हिंदूंवर होणाऱ्या अत्याचारासाठीही भारतालाच जबाबदार धरले आहे.”