राजधानी दिल्लीतील एमसीडीच्या १२ वार्डांमध्ये पोटनिवडणुकीसाठी मतदान सुरू आहे. सकाळपासूनच विविध बूथवर मतदारांची वर्दळ दिसून येत आहे. मतदान शांततेत सुरू असून निकालांविषयी राजकीय पक्षांमध्ये उत्सुकता पाहायला मिळत आहे. भाजपा आमदार रवी नेगी यांनी बोलताना म्हटले, “मी यापूर्वीही विनोद नगर भागात काम केले आहे आणि मला ७,००० मतांच्या फरकाने विजय मिळाला होता. जागा रिक्त झाल्यानंतर सरला चौधरी यांना उमेदवार करण्यात आले. त्या २०१२ ते २०१७ या काळात येथे नगरसेविका राहून उत्कृष्ट काम केले आहे. हे लक्षात घेऊनच त्यांना तिकीट देण्यात आले. या जागेसह दिल्लीतील सर्व १२ जागांवर आमचा विजय निश्चित आहे.”
भाजपा नेते नसीब यांनी दावा केला की १२ पैकी ११ जागा भाजपाच्या खात्यात जाऊ शकतात. त्यांनी सांगितले, “दिल्लीच्या मुख्यमंत्री रेखा गुप्ता यांनी कमी काळात केलेल्या कामाचे फळ या पोटनिवडणुकांमध्ये मिळणार आहे.” वार्ड-१९८ विनोद नगर येथून भाजपा उमेदवार सरला चौधरी म्हणाल्या, “मी दुसऱ्यांदा विनोद नगरमधून निवडणूक लढवत आहे. लोकांनी आमचे काम पाहिले आहे. विशेषत: रवी नेगी यांनी भ्रष्टाचार उघड करुन जे काम केले, त्याचमुळे त्यांना पुढे नेण्यात आले. जनता पूर्ण समर्थन देत आहे. आम्ही कामाच्या आधारावर जिंकणार, पोकळ आश्वासनांवर नाही. ही जागा भाजपाची मजबूत जागा राहिली आहे आणि येथे कुठलाही मजबूत विरोधक नाही.”
हेही वाचा..
‘मध’ उत्पादनात नवा विक्रम; ११ वर्षांत उत्पादन दीड लाख मेट्रिक टनांवर
दित्वाह चक्रीवादळामुळे मृतांचा आकडा १५३ वर
देशातील इलेक्ट्रॉनिक्स, आयटी उद्योग बजावणार मोठी भूमिका
‘मन की बात’ मध्ये पंतप्रधानांनी केली शांती-करुणेच्या परंपरेची आठवण
वार्ड७६ मटिया महल येथून भाजपा उमेदवार सुनील शर्मा यांनी म्हटले, “माहोल खूप चांगला आहे आणि सर्वांचा कल भाजपाच्या बाजूने आहे.” वार्ड ७६ मटिया महल येथून आम आदमी पार्टीचे उमेदवार मुदस्सर उस्मान अहमद यांनीही विजयाचा दावा केला. ते म्हणाले, “येथे आमची स्थिती अतिशय चांगली आणि सकारात्मक आहे. ही परंपरेने आम आदमी पार्टीची सीट आहे आणि आम्ही ती कायम राखणार आहोत.” संगम विहारच्या मुस्लिमबहुल भागातील बंद रोड, विक्रम पब्लिक स्कूल बूथवरही सकाळपासून मतदान सुरू आहे. मतदार उत्साहाने मतदान केंद्रावर पोहोचत आहेत. एका मतदाराने सांगितले, “आमच्या भागातील पाणी साचणे, सफाई, ड्रेनेज यांसारख्या समस्यांचा विचार करून आम्ही मतदान करतो आहोत. मागील कार्यकाळात या समस्या दूर झाल्या नाहीत, त्यामुळे आम्ही बदलासाठी मतदान करत आहोत.” चांदनी चौक परिसरातही मतदान सुरू आहे. एका मतदाराने सांगितले, “माझे संपूर्ण आयुष्य चांदनी चौकात गेले आहे. आम्हा सर्वांना चांदनी चौकाचा विकास व्हावा असे वाटते.”