इटलीची डाळ इथे शिजणार नाही

काँग्रेसचे खासदार राहुल गांधी यांनी बिहार विधानसभा निवडणुकीत जनरेशन-झेड मतदारांना उद्देशून केलेल्या वक्तव्यावर भाजपचे राष्ट्रीय महासचिव तरुण चुग यांनी जोरदार पलटवार केला आहे. राहुल गांधी यांनी मतदारांना ‘मत चोरी होऊ देऊ नका’ असे आवाहन केले होते. त्यावर प्रतिक्रिया देताना तरुण चुग म्हणाले, “राहुल गांधींची इटलीची डाळ इथे शिजणारी नाही.” चुग म्हणाले, “राहुल गांधींच्या जेन-झेड मतदारांना केलेल्या आवाहनाचा काहीच परिणाम होणार नाही, कारण ते केवळ खोटे आणि दिशाभूल करणारे आवाहन करू शकतात. बिहारचे जेन-झेड मतदार समजूतदार आहेत.”

ते पुढे म्हणाले, “जेन-झेड पिढीने भारतीय संस्कृतीचा अपमान करणाऱ्या, दशकानुदशके भ्रष्टाचारात बुडालेल्या आणि वंशवादी, लुटारू काँग्रेस पक्षाला सत्तेतून 2014 सालीच हद्दपार केले आहे. देश आणि बिहारचे तरुण प्रामाणिकपणे ‘विकसित भारत’ या संकल्पनेत आपला हातभार लावत आहेत.” घुसखोरांचा उल्लेख करताना त्यांनी म्हटले, “हे घुसखोर आपल्या तरुणांकडून नोकऱ्या, सरकारी पदे, अन्नधान्य व इतर सोयी-सुविधा, तसेच आपली शांतता आणि सुरक्षा हिरावून घेत आहेत. अशा घुसखोरांना या देशात किंवा कुठेही सरकार किंवा नेता निवडण्याचा अधिकार दिला जाऊ शकत नाही. हे असंवैधानिक असून लोकशाहीसाठी विषासारखे आहे.”

हेही वाचा..

चाकणकरांशी वाद; प्रवक्तेपदावरून रुपाली ठोंबरेंना डच्चू, मिटकरींचीही हकालपट्टी

टेस्ट मालिकेत सर्वाधिक धावा करणारे ५ दिग्गज फलंदाज

सेमीफायनलचे सामने कोलकाता आणि अहमदाबाद रंगणार!

कर्नाटकातील तुरुंगात कैद्यांचे नाचगाणे; तुरुंग अधिकाऱ्याची बदली

पश्चिम बंगालमध्ये एसआयआर (SIR) च्या विरोधात बोलताना तरुण चुग म्हणाले, “बंगाल सरकार निर्दयी जिहादी मानसिकतेला प्रोत्साहन देत असून, बनावट, बेकायदेशीर आणि मृत मतदारांची नावे मतदार यादीतून काढून टाकण्यासाठी करण्यात येणाऱ्या उपाययोजनांमध्ये अडथळे निर्माण करत आहे. खरे मतदार सुरक्षित ठेवणे आणि बनावट किंवा मृत मतदारांची ओळख पटवून त्यांना वगळणे, ही एक निरोगी लोकशाहीसाठी आवश्यक प्रक्रिया आहे.”

टीएमसी सरकारला सल्ला देताना त्यांनी म्हटले, “बंगाल सरकारने भारतीय निवडणूक आयोगाशी सहकार्य करून या प्रक्रियेत सहभागी व्हावे, अडथळे आणू नयेत.” लक्षात घ्यावे की लोकसभेतील विरोधी पक्षनेते राहुल गांधी यांनी अलीकडे हरियाणा विधानसभा निवडणुकीत मत चोरी झाल्याचा आरोप केला होता. त्यांनी बिहार विधानसभा निवडणुकीतही मत चोरी होण्याची शक्यता व्यक्त केली आहे. दुसरीकडे एनडीएच्या म्हणण्यानुसार, बिहार निवडणुकीतील संभाव्य पराभवाच्या आधीच राहुल गांधी पराभवाचे कारण शोधण्याचा प्रयत्न करत आहेत.