प्रशांत किशोर ‘सुपर फ्लॉप’, २३८ पैकी २३६ जागी डिपॉझिट जप्त

बिहार विधानसभा निवडणुकीपूर्वी राज्याच्या राजकारणात मोठा बदल घडवून आणण्याचा दावा करणाऱ्या प्रशांत किशोर यांच्या जन सुराज पार्टीचा दारुण पराभव झाला. २४३ पैकी २३८ जागांवर जन सुराज पार्टीने उमेदवार उभे केले होते, त्यापैकी २३६ जागांवर उमेदवारांचे डिपॉझिट जप्त झाला. यासंदर्भात भाजप आयटी सेलचे प्रमुख अमित मालवीय यांनी आकडेवारी जाहीर केली आहे.

भाजप आयटी सेलचे प्रमुख अमित मालवीय यांनी सोशल मीडिया प्लॅटफॉर्म ‘एक्स’वर पोस्ट करत म्हटले, “ज्या पत्रकारांना आणि सर्वेक्षणकर्त्यांना वाटत होते की जन सुराज पार्टी बिहारमध्ये एनडीएचे नशीब ठरवेल, त्यांच्यासाठी विचार करण्यासारखी काही आकडेवारी येथे दिली आहे.”

त्यांनी सांगितले की जन सुराज पार्टीने २३८  जागांवर निवडणूक लढवली, त्यापैकी २३६ जागांवर अनामत रक्कम जप्त झाली. जन सुराजला एकही जागा मिळाली नाही. फक्त एका जागेवर हा पक्ष दुसऱ्या क्रमांकावर राहिला. १२२ जागांवर जनसुराजला चौथ्या किंवा त्याहून खालचे स्थान मिळाले. ६१ जागांवर तर नोटा पेक्षाही कमी मते मिळाली. बिहार निवडणुकीत जन सुराज पार्टीला एकूण १६.७७ लाख मते मिळाली आणि मतांचा टक्का ३.३४ होता.

यापूर्वी अमित मालवीय यांनी माध्यमांच्या अहवालांचा हवाला देत राहुल गांधींच्या विधानाचा उल्लेख केला होता, ज्यात राहुल म्हणाले होते की बिहार निवडणुकीत काँग्रेसच्या खराब कामगिरीनंतरही ते चिंतित नाहीत. मालवीय यांनी प्रश्न उपस्थित केला की राहुल गांधी काँग्रेसला निवडणूक जिंकून देण्यात अपयशी का आहेत? ‘एक्स’वर केलेल्या पोस्टमध्ये त्यांनी म्हटले, “राहुल गांधींच्या ९५ पराजयांचा दाखला. अनेक लोक त्यांना ‘९ ते ५ नेते’ म्हणतील, पण राहुल गांधींना दोन दशकांत ९५ निवडणुकीच्या पराभवांचा सामना करावा लागला आहे, जे शतकापासून फक्त पाचने कमी आहे. देशातील संस्थांवर केलेला हा हल्ला काय त्यांचे लक्ष दुसरीकडे वळवण्याचा प्रयत्न आहे?”

हे ही वाचा:

बिहारमधील नव्या सरकारचा ‘या’ दिवशी होणार शपथविधी

दिल्ली स्फोटाचे धागेदोरे पश्चिम बंगालमध्ये; तुरुंगात असलेल्या आरोपींची चौकशी

पाक सैन्याच्या गोळीबारात जखमी झालेल्या जम्मूतील ‘गौरी’ला मिळाली नवसंजीवनी!

भाजपाला रोखणे ही मुसलमानांची जबाबदारी नाही

बिहार विधानसभा निवडणुकीत राष्ट्रीय लोकशाही आघाडीने (एनडीए) जबरदस्त कामगिरी केली. एनडीएने २०२ जागांवर प्रचंड विजय मिळवला. पहिल्यांदाच बिहार निवडणुकीत उतरलेल्या प्रशांत किशोर यांच्या जन सुराज पार्टीचे खाते देखील उघडू शकले नाही.