आपल्या हत्येच्या कटामागे धनंजय मुंडे !

मराठा आरक्षण आंदोलनाचे नेते मनोज जरांगे यांच्या हत्येच्या कटाचे वृत्त प्रसिद्ध झाल्यानंतर त्यासंदर्भात जरांगे यांनी पत्रकार परिषद घेत यात राष्ट्रवादीचे नेते व माजी मंत्री धनंजय मुंडे यांचे नाव घेतले आहे. याबाबत मुंडेदेखील पत्रकार परिषद घेऊन आरोपांबाबत बोलणार आहेत.

या प्रकरणी जालना पोलिसांनी बीड जिल्ह्यातून दोन संशयितांना ताब्यात घेण्यात आले असून या हत्येसाठी अडीच कोटींची सुपारी दिल्याचा आरोपही करण्यात आला आहे.

मनोज जरांगे यांनी पत्रकार परिषद घेत सांगितले की, बीडचा कांचन पाटील नावाचा माणूस आहे. तो धनंजय मुंडे यांचा कार्यकर्ता आहे किंवा पीए आहे. धनंजय मुंडे यांनी माझ्या विरोधात षडयंत्र रचण्याचे काम केले. बीडच्या कार्यकर्त्यांनी या आरोपींना परळीला नेले. तिथे एक मोठी बैठक सुरू होती ती बैठक धनंजय मुंडे यांनी सोडली आणि यांच्याकडे गेले. त्यांची वारंवार धनंजय मुंडेंशी भेट व्हायची. कांचन पाटील आणि धनंजय मुंडे यांची २० मिनिटे बैठक झाली होती. मला मारण्यासाठी अडीच कोटींची डील होती. भाऊबीजेच्या दिवशी बैठक झाली होती. मला जुनी गाडी द्या, मी गाडीनेच ठोकतो, असे आरोपी म्हणाले. घातपात करून माणूस राजकारणात मोठा होत नाही. धनंजय मुंडेंची अशी वृत्ती चांगली नाही, असेही जरांगे म्हणाले.

हे ही वाचा:

मोदीजी तुम्ही इतके ‘ग्लो’ कसे काय करता?

“वंदे मातरम्” गीताच्या १५० व्या वर्धापन दिनानिमित्त टपाल तिकिट, नाणे प्रकाशित

पुढील वर्षी ट्रम्प भारत दौऱ्यावर? काय म्हणाले अमेरिकेचे राष्ट्राध्यक्ष?

आयएनएस ‘इक्षक’चे कमीशनिंग आत्मनिर्भर भारताचे जिवंत प्रतीक

जरांगे म्हणाले की,  मी मराठा समाजाला एक शब्द देतो की, मी जोपर्यंत जिवंत आहे तोपर्यंत तुम्हाला टेन्शन नाही. मी मेल्यानंतर तुम्हाला काय करायचे ते करा. पण मी आहे तोपर्यंत तुम्ही सर्वांनी शांत राहायचे. आपण सगळे त्यांचे डाव उघडे पाडले आहेत. मी माझ्या समाजासाठी लढणाऱ्यासाठी खंबीर आहे.

या राज्यातल्या मराठा समाजाला माझं सांगणं आहे की, जितके मराठा समाजाचे राज्यातील नेते आहे त्यांनी हा विषय गांभीर्याने घ्या. ओबीसीचे नेते, हिंदू मुस्लिमांच्या नेत्यांनी हा विषय गांभीर्याने घ्या. आज माझ्यावर वेळ आली आहे म्हणून तुम्ही मजा बघायची आणि तुमच्यावर वेळ आली की आम्ही मजा बघायची हे नको. कोणाचं तरी ऐकून एखाद्याच्या जीवावर उठायचं.

मनोज जरांगे पुढे म्हणाले की,  बीडचा एक कार्यकर्ता किंवा पीए आहे. तो या दोन पैकी एका आरोपीकडे गेला आणि त्याला सांगितलं आपल्याला जायचे आहे आणि इथून सुरुवात झाली. पहिले त्यांच्याकडून खोट्या रेकॉर्डिंग बनवण्याचं ठरलं होतं.  मग ते दुसऱ्या मुद्द्यावर आले की यांचा खूनच करून टाकायचा. मग तिसऱ्या मुद्द्यावर आले की, आपण गोळ्या किंवा औषध घेऊन मग घातपात करू.