केंद्रीय मंत्री जीतन राम मांझी यांनी सोमवारी दावा केला की बिहार विधानसभा निवडणुकीत राष्ट्रीय लोकशाही आघाडी (एनडीए) १६० जागा जिंकून प्रचंड बहुमताने सरकार स्थापन करेल. मांझी यांचे हे वक्तव्य अशा वेळी आले आहे जेव्हा बिहारमधील १२२ विधानसभा जागांसाठी दुसऱ्या टप्प्यातील मतदान ११ नोव्हेंबर रोजी होणार आहे. गयामध्ये माध्यमांशी संवाद साधताना जीतन राम मांझी म्हणाले, “बिहारमध्ये आमचे एनडीएचे १६० उमेदवार विजयी होतील आणि आम्ही स्पष्ट बहुमतासह सरकार बनवू. पहिल्या टप्प्यातील भव्य मतदानाचा उल्लेख करताना त्यांनी सांगितले की, जनतेने इतिहास रचला आहे आणि सुमारे ७० टक्के महिलांनी मतदान केले असून त्या नीतीश कुमार यांना प्रखर पाठिंबा देत आहेत.”
नीतीश कुमार यांच्या २० वर्षांच्या कार्यकाळाचे कौतुक करताना मांझी म्हणाले, “त्यांनी महिलांसाठी मोठे कार्य केले आहे. मग ते शिक्षण असो, नोकरीत आरक्षण असो, पोलिस भरती असो किंवा वृद्धांसाठी दरमहा १,१०० रुपयांची पेन्शन योजना असो. नीतीश कुमार यांनी सर्व समाजघटकांसाठी प्रशंसनीय कार्य केले आहे.” अलीकडेच सुरू करण्यात आलेल्या मुख्यमंत्री महिला रोजगार योजनेचा उल्लेख करताना त्यांनी सांगितले, “नीतीश कुमार यांच्या सरकारने स्वरोजगाराच्या उद्देशाने महिलांच्या बँक खात्यात १०,००० रुपयांची आर्थिक मदत दिली आहे. महिलांना विश्वास आहे की नीतीश कुमार त्यांच्या कल्याणाचा विचार करतात. त्यामुळे ११ नोव्हेंबरला १२२ जागांवर महिला एनडीएच्या उमेदवारांनाच मतदान करतील.”
हेही वाचा..
अयोध्येत राममंदिरात होणार ऐतिहासिक ध्वजारोहण
उत्तर प्रदेशमधील शैक्षणिक संस्थांमध्ये ‘वंदे मातरम्’ गाणे अनिवार्य!
गुजरातनंतर फरिदाबादेत ३०० किलो आरडीएक्ससह डॉक्टर सापडला
१० नोव्हेंबर : याच दिवशी छत्रपती शिवाजी महाराजांनी अफझल मारिला!
ते पुढे म्हणाले, “पंतप्रधान नरेंद्र मोदी आणि मुख्यमंत्री नीतीश कुमार यांनी बिहारला विकास, सुशासन आणि समृद्धीच्या मार्गावर नेले आहे. त्यामुळे बिहारच्या जनतेने पुन्हा एकदा एनडीएला सत्तेत आणण्याचा निश्चय केला आहे. डबल इंजिनच्या सरकारच्या प्रयत्नांमुळे बिहार आता ‘कट्टा’ (बंदूक) हाताळण्याच्या काळातून ‘कंप्युटर’ हाताळण्याच्या युगात प्रवेशला आहे. आता बिहारची जनता ठरवून बसली आहे की ‘जंगलराज रिटर्न्स’ नाही, तर ‘सुशासन गो ऑन’ सत्तेत आणायचे आहे.” मांझी म्हणाले, “निवडणूक प्रचारादरम्यान मी ज्या-ज्या विधानसभा मतदारसंघांत गेलो, तेथील जनतेचा उत्साह एकच गोष्ट सांगत होता, बिहारमध्ये पुन्हा एकदा एनडीए सरकार येणार.”
