31 C
Mumbai
Tuesday, October 26, 2021
घरराजकारणज्येष्ठ काँग्रेस नेते आणि राज्यसभा खासदार ऑस्कर फर्नांडिस कालवश

ज्येष्ठ काँग्रेस नेते आणि राज्यसभा खासदार ऑस्कर फर्नांडिस कालवश

Related

काँग्रेसचे ज्येष्ठ नेते आणि राज्यसभा खासदार ऑस्कर फर्नांडिस यांचं आज मंगळुरूमध्ये निधन झालं. ते ८० वर्षाचे होते. जुलैमध्ये योगा करत असताना पडल्यामुळे त्यांना डोक्याला मार लागला होता. त्यामुळे रुग्णालयात दाखल करण्यात आले होते. तेव्हापासून त्यांच्यावर रुग्णालयात उपचार सुरू होते. त्यांच्या निधानावर काँग्रेससह विविध राजकीय पक्षांकडून शोक व्यक्त करण्यात आला आहे.

जुलै महिन्यात घरात योगा करत असताना ऑस्कर फर्नांडिस पडले होते. त्यामुळे त्यांना रुग्णालयात दाखल करण्यात आले होते. त्यांच्या डोक्याला मार लागल्याने मेंदूमध्ये रक्त जमा झाले होते. त्यांच्यावर एक सर्जरीही करण्यात आली होती. त्यानंतर त्यांना आयसीयूमध्ये भरती करण्यात आले होते. मात्र, उपचार सुरू असतानाच आज त्यांची प्राणज्योत मालवली.
फर्नांडिस यांना रुग्णालयात दाखल केल्यानंतर काँग्रेसचे ज्येष्ठ नेते सिद्धरमय्या आणि डी. के. शिवकुमार त्यांना पाहण्यासाठी रुग्णालयात गेले होते. त्यांच्यावर होत असलेल्या उपचाराची माहितीही त्यांनी घेतली होती.

फर्नांडिस यूपीए सरकारमध्ये केंद्रीय परिवहन मंत्री होते. राहुल गांधी यांचे निकटवर्तीय म्हणून त्यांची ओळख होती. त्यांनी राजीव गांधी यांचे संसदीय सचिव म्हणूनही काम पाहिलं होतं. ते अखिल भारतीय काँग्रेस कमिटीच्या केंद्रीय निवडणूक प्राधिकरणाचे अध्यक्ष होते.

हे ही वाचा:

भूपेंद्र पटेल यांनी गुजरातचे १७वे मुख्यमंत्री पदभार स्वीकारला

मुंबई ठाण्यात पुढील चार दिवस जोरदार पावसाचा अंदाज

हसन मुश्रीफ आणि कुटुंबियांनी असे केले शेकडो कोटींचे घोटाळे

देशात कोरोना रुग्णसंख्येत मोठी घट, केरळमध्ये मात्र भयावह स्थिती

फर्नांडिस यांनी १९८० मध्ये कर्नाटकाच्या उड्डपी मतदारसंघातून लोकसभेची निवडणूक लढवली होती. या निवडणुकीत ते विजयी झाले होते. त्यानंतर याच मतदारसंघातून त्यांनी ९८४, १९८९, १९९१ आणि १९९६ मध्ये विजय मिळवला होता. १९९८ मध्ये ते राज्यसभेवर गेले होते. २००४ मध्ये पुन्हा त्यांची राज्यसभेवर वर्णी लावण्यात आली होती.

spot_img

लेखकाकडून अधिक

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

आम्हाला follow करा

2,721चाहतेआवड दर्शवा
1,443अनुयायीअनुकरण करा
4,420सदस्य यादीसदस्य व्हा

इतर नवीनतम कथा