महाराष्ट्रातील राजकीय संघर्ष आणि भावनिक क्षणांनी भरलेल्या परिस्थितीत आज सुनेत्रा पवार यांनी महाराष्ट्राची उपमुख्यमंत्री पदाची शपथ घेतली आहे. हा सोहळा लोकभवनात अत्यंत साध्या वातावरणात पार पडला. राज्यपाल आचार्य देवव्रत यांच्या हस्ते सुनेत्रा पवार यांनी संध्याकाळी ५ वाजता उपमुख्यमंत्रीपदाची शपथ घेतली. या शपथ ग्रहण कार्यक्रमात मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि इतर वरिष्ठ नेते उपस्थित होते. त्यामुळे सुनेत्रा पवार महाराष्ट्रातील इतिहासातील पहिल्या महिला उपमुख्यमंत्री ठरल्या आहेत.
सुनेत्रा पवार यांची निवड त्यांचे पती आणि राज्याचे माजी उपमुख्यमंत्री अजित पवार यांच्या आकस्मिक निधनानंतर झाली आहे. अजित पवार यांचा २८ जानेवारी रोजी बारामती जवळील विमान अपघातात मृत्यू झाला होता, ज्यामुळे राजकीय नेतृत्वात रिकामे पडलेले स्थान भरून काढण्याची गरज निर्माण झाली होती.
हे ही वाचा:
पूर्व कांगोतील कोल्टन खाण कोसळली
‘GaN’ लष्करी तंत्रज्ञानात डीआरडीओचा ब्रेकथ्रू,
पुढील पाच वर्षे जागतिक बँकेकडून भारताला मिळणार ८-१० अब्ज डॉलर
आत्मनिर्भरतेकडे भारताचे पाऊल! देशात L410 NG विमानाची निर्मिती होणार?
शपथ आधी, राष्ट्रवादी काँग्रेस पक्षाच्या विधिमंडळ गटनेतेपदी सुनेत्रा पवार यांची एकमताने निवड करण्यात आली. पक्षाच्या नेत्यांनी मुख्यमंत्री देवेंद्र फडणवीस यांच्याकडे निवडीची अधिकृत पत्रे सादर केली, ज्यावरून पुढील प्रक्रिया पार पडली. या बैठकीत छगन भुजबळ, प्रफुल पटेल, सुनील तटकरे आणि इतर नेते उपस्थित होते.
शपथविधीचा सोहळा साध्या वातावरणात झाला ज्यामध्ये केवळ मर्यादित पाहुणे उपस्थित होते आणि तो सुमारे १० मिनिटांत संपन्न झाला. शपथ घेतल्यानंतर सुनेत्रा पवार ताबडतोब बारामतीकडे रवाना झाल्या असून त्याठिकाणी त्या अजितदादांच्या दशक्रियेच्या कार्यक्रमापर्यंत थांबणार आहेत.
