माविआमधील जागवाटपाच्या धुसपुशीत ठाकरे गटाचे ८० उमेदवार जाहीर, ६५ नंतर आणखी १५ घोषित

विधानसभेची निवडणूक राज्यात जाहीर झाल्यानंतर सर्वच पक्षांकडून आपापल्या उमेदवारांची नावे घोषित करण्यात येत आहे. महायुतीमधील तीनही घटक पक्षांनी आपपल्या उमेदवरांची नावे जाहीर केली असून महाविकास आघाडीत मात्र जागावाटपावरून अजूनही धुसपूस सुरू असल्याचे चित्र आहे. अशातच शनिवार, २६ ऑक्टोबर रोजी ठाकरे गटाची दुसरी यादी जाहीर करण्यात आली आहे. याआधी ठाकरे गटाकडून ६५ उमेदवारांची यादी जाहीर करण्यात आली होती. यानंतर शनिवारी १५ उमेदवारांची घोषणा ‘सामना’मधून करण्यात आली आहे.

ठाकरे गटाकडून दुसऱ्या यादीत धुळे शहर, चोपडा, जळगाव शहर, बुलढाणा, दिग्रस, हिंगोली, देवळाली, श्रीगोंदा, कणकवली, भायखळा, शिवडी, वडाळा, कल्याण पूर्व, कल्याण पश्चिम, देवळाली, परतूर या मतदारसंघातील उमेदवरांची घोषणा करण्यात आली आहे.

शिवडीमधून अजय चौधरी, धुळे शहरमधून अनिल गोटे, चोपडामधून राजू तडवी, जळगाव शहरातून जयश्री सुनील महाजन, बुलढाणा येथून जयश्री शेळके, दिग्रसमधून पवन श्यामलाल जयस्वाल, हिंगोलीमधून रूपाली राजेश पाटील, परतूर येथून आसाराम बोराडे, देवळालीमधून योगेश घोलप, कल्याण पश्चिममधून सचिन बासरे, कल्याण पूर्व येथून धनंजय बोडारे, वडाळामधून श्रद्धा श्रीधर जाधव, भायखळातून मनोज जामसुतकर, श्रीगोंदा येथून अनुराधा राजेंद्र नागावडे, कणकवलीमधून संदेश भास्कर पारकर यांचा समावेश आहे.

हे ही वाचा : 

इस्रायलचा इराणवर हवाई हल्ला; लष्करी तळांना लक्ष्य केले

‘बेकायदा मशिदींविरोधात हिंदूंनी आवाज उठवला तर गृहयुद्ध होईल’

आदित्य ठाकरेंची गडगंज संपत्ती, भातखळकर म्हणाले, वाझे प्रसन्न…

जय गाझा- जय पॅलेस्टाईनवाल्या आव्हाडांवर वेदमंत्रांचा शिडकावा कशासाठी?

गेल्या काही दिवसांपासून महाविकास आघाडीत जागावाटपावरून मतभेद सुरु आहेत. यासंदर्भात महाविकास आघाडीतील नेत्यांच्या अनेक बैठकाही पार पडल्या. यातून अंतर्गत कलहही समोर आला. दरम्यान, ८५-८५-८५ जागांचा फॉर्म्युला समोर आला होता. मात्र, त्यानंतर पुन्हा या फॉर्म्युल्यात बदल करण्यात आल्याची माहिती समोर आली. यानंतर आता ९०-९०-९० चा फॉर्म्युला ठरला असल्याचे वृत्त आहे.