विधानसभेच्या विशेष अधिवेशनाच्या दुसऱ्या दिवशी शिवसेना- भाजपा सरकारकडून विश्वासदर्शक ठराव मांडण्यात आला. यावेळी विधानसभेत झालेल्या बहुमत चाचणीत शिंदे- फडणवीस सरकारने बाजी मारली आहे. १६४ मतांनी बहुमत सिद्ध करत सभागृहात एकनाथ शिंदे यांनी ही चाचणी पास केली आहे. तर महाविकास आघाडीला यावेळी शंभर मतांची संख्याही गाठता आलेली नाही.
आज सकाळी ११ वाजता विधिमंडळाचं कामकाज सुरु झाल्यानंतर काही आमदार उशिरा आल्यामुळे त्यांना मतदान करता आलेलं नाही. विजय वडेट्टीवार, अशोक चव्हाण, संग्राम जगताप, अण्णा बनसोडे अशी गैहजर असलेल्या सदस्यांची नावे आहेत. या आमदारांच्या मतांचा फटका महाविकास आघाडीला बसला आणि त्यांना ९९ मतांवर समाधान मानावे लागले.
हे ही वाचा:
शिंदे फडणवीस सरकारने बहुमत चाचणी १६४ मतांनी जिंकली
कर्नाटकची सिनी शेट्टी बनली ‘मिस इंडिया २०२२’
डेन्मार्कमधील मॉलमध्ये गोळीबार; तिघांचा मृत्यू
बहुमत सिद्ध करण्याची वेळ असताना या आमदारांना उशीर झाला. उशीर झाल्याने दरवाजे बंद करण्यात आले आणि त्यांना प्रवेश नाकारला गेला. इतका महत्त्वाचा दिवस असताना नेत्यांना विधानभवनात यायला उशीर का झाला, असा प्रश्न आता उपस्थित केला जात आहे. आदित्य ठाकरे हे सुद्धा विधानभवनात शेवटच्या क्षणी पोहचले होते.
