राहुल गांधींपेक्षा मी उंच आहे, रुंद आहे आणि त्यांच्यापेक्षा बुद्धिमानही….मंत्री नडला!

आपला मतदारसंघ असलेल्या रायबरेलीमध्ये राहुल गांधींना एका मंत्र्याने आव्हान दिल्याची सध्या चर्चा रंगली आहे. तिथे झालेल्या एका बैठकीत मंत्री दिनेश प्रताप सिंह आणि राहुल गांधी यांच्यात झालेल्या शाब्दिक चकमकीचा व्हीडिओ व्हायरल होतो आहे.

रायबरेलीमध्ये गुरुवारी झालेल्या दिशा समितीच्या बैठकीत काँग्रेस खासदार राहुल गांधी आणि मंत्री दिनेश प्रताप सिंह हे एकमेकांच्या शेजारी बसले होते. मात्र या वेळी राहुल गांधींच्या खुर्चीची उंची कमी आणि दिनेश प्रताप सिंह यांच्या खुर्चीची उंची अधिक दिसत होती. या प्रसंगानंतर वेगवेगळ्या चर्चांना सुरुवात झाली. अखेर या वादावर मंत्र्यांनी स्पष्टीकरण दिले.

खुर्चीच्या उंचीवरून वाद

दिशा समितीच्या बैठकीत समोर आलेल्या छायाचित्रात दिनेश प्रताप सिंह यांची खुर्ची राहुल गांधींपेक्षा जास्त उंच दिसत होती. यावरून सोशल मीडियात आणि राजकीय वर्तुळात चर्चा रंगली.

दिनेश प्रताप सिंह यांचे स्पष्टीकरण

या वादावर प्रतिक्रिया देताना दिनेश प्रताप सिंह म्हणाले, “मी राहुल गांधींपेक्षा दीडपट जास्त उंच आहे, दीडपट जास्त रुंद आहे आणि पाचपट जास्त विवेकी आहे. त्यामुळे मी नैसर्गिकरित्या त्यांच्यापेक्षा उंच दिसतो.”

छोटी-बडी खुर्चीच्या प्रश्नावर त्यांनी पुढे सांगितले, “हे सर्व ईश्वराची कृपा आहे की माझी उंची राहुल गांधींपेक्षा जास्त आहे. पण ते माझ्यापेक्षा मोठे नेते आहेत. ते त्यांच्या पक्षाचे मालक आहेत आणि मी माझ्या पक्षाचा छोटासा कार्यकर्ता आहे. जेव्हा राहुल गांधी माझ्या शेजारी असतात तेव्हा मी उंच दिसतो.”

हे ही वाचा:

प्रभादेवी पूल बंद; वाहतुकीत मोठे बदल लागू

दिल्ली उच्च न्यायालयाला बॉम्बची धमकी; मेलमध्ये द्रमुकचा उल्लेख

ब्राझील: सत्तापालटाच्या कटासाठी माजी राष्ट्रपतीला २७ वर्षांची शिक्षा!

छत्तीसगडमध्ये चकमक: १ कोटींच्या इनामी कमांडर बालकृष्णसह १० नक्षली ठार!

राहुल गांधींचा यावेळचा रायबरेली दौरा अनेक कारणांमुळे चर्चेत राहिला. सुरुवातीला मंत्री दिनेश प्रताप सिंह यांनी आपल्या समर्थकांसह राहुल गांधींचा जोरदार विरोध केला आणि त्यांना काळे झेंडे दाखवले. त्यानंतर दिशा समितीच्या बैठकीत दोन्ही नेत्यांमध्ये शाब्दिक चकमक पाहायला मिळाली.

बैठकीत राहुल गांधी म्हणाले की ते समितीचे अध्यक्ष आहेत, त्यामुळे कोणतीही चर्चा त्यांच्या परवानगीनेच व्हायला हवी. यावर दिनेश प्रताप सिंह यांनी प्रत्युत्तर दिले, “जेव्हा तुम्ही लोकसभेत अध्यक्षांचे म्हणणे ऐकत नाही, तेव्हा मी इथे अध्यक्षांचे म्हणणे ऐकण्यास बाध्य नाही.”