आयसीसीने जाहीर केलेल्या ताज्या टी-२० क्रमवारीत भारतासाठी आनंदाची बातमी समोर आली आहे. फलंदाजांच्या क्रमवारीत भारताचा अभिषेक शर्मा अव्वल स्थानावर कायम असून गोलंदाजांच्या यादीत वरुण चक्रवर्तीने पहिले स्थान टिकवून ठेवले आहे. दरम्यान, झिम्बाब्वेचा कर्णधार सिकंदर रझा टी-२० प्रकारात अव्वल ऑलराउंडर ठरला आहे.
फलंदाजांच्या क्रमवारीत अभिषेक शर्मा पहिल्या स्थानावर आहे. इंग्लंडचा फिल सॉल्ट दुसऱ्या, पाकिस्तानचा साहिबजादा फरहान तिसऱ्या, इंग्लंडचा जोस बटलर चौथ्या आणि भारताचा तिलक वर्मा पाचव्या स्थानावर आहे. श्रीलंकेचा पाथुम निसंका सहाव्या स्थानावर असून भारतीय कर्णधार सूर्यकुमार यादव सातव्या क्रमांकावर आहे. न्यूझीलंडचा टिम सायफर्ट आठव्या, ऑस्ट्रेलियाचा ट्रेविस हेड नवव्या आणि ऑस्ट्रेलियाचा कर्णधार मिचेल मार्श दहाव्या स्थानावर आहे.
अमेरिकेविरुद्ध ७३ धावांची दमदार खेळी केल्यामुळे पाकिस्तानच्या साहिबजादा फरहानला मोठा फायदा झाला आहे. त्याने चार स्थानांची झेप घेत तिसरे स्थान पटकावले.
गोलंदाजांच्या क्रमवारीत वरुण चक्रवर्ती अव्वल स्थानावर आहे. पाकिस्तानचा अबरार अहमद दुसऱ्या, अफगाणिस्तानचा राशिद खान तिसऱ्या, इंग्लंडचा आदिल रशीद चौथ्या आणि श्रीलंकेचा वानिंदू हसरंगा पाचव्या स्थानावर आहे. न्यूझीलंडचा जेकब डफी सहाव्या, पाकिस्तानचा मोहम्मद नवाज सातव्या, बांगलादेशचा मुस्तफिजुर रहमान आठव्या, ऑस्ट्रेलियाचा अॅडम झांपा नवव्या आणि अफगाणिस्तानचा मुजीब उर रहमान दहाव्या स्थानावर आहे.
ऑलराउंडर्सच्या क्रमवारीत झिम्बाब्वेचा सिकंदर रझाने पाकिस्तानच्या सईम अयूबला मागे टाकत अव्वल स्थान मिळवले आहे. सईम अयूब दुसऱ्या, भारताचा हार्दिक पांड्या तिसऱ्या, वेस्ट इंडिजचा रोस्टन चेस चौथ्या आणि पाकिस्तानचा मोहम्मद नवाज पाचव्या स्थानावर आहे. नेपाळचा दीपेंद्र सिंग एरे सहाव्या, वेस्ट इंडिजचा रोमारियो शेफर्ड सातव्या, अफगाणिस्तानचा अजमतुल्लाह ओमरजई आठव्या, अफगाणिस्तानचा मोहम्मद नबी नवव्या आणि श्रीलंकेचा वानिंदू हसरंगा दहाव्या स्थानावर आहे.
टी-२० विश्वचषकाच्या पार्श्वभूमीवर जाहीर झालेली ही क्रमवारी महत्त्वाची मानली जात असून भारतीय खेळाडूंच्या सातत्यपूर्ण कामगिरीची त्यातून पुन्हा एकदा पुष्टी झाली आहे.
