“आयपीएल २०२६: हे आहेत सर्वात तरुण ५ स्टार!”

इंडियन प्रीमियर लीग (आयपीएल) २०२६ च्या १९व्या हंगामाची सुरुवात २८ मार्चपासून होणार आहे. पहिल्या सामन्यात रॉयल चॅलेंजर्स बेंगळुरू आणि सनरायझर्स हैदराबाद यांच्यात एम. चिन्नास्वामी स्टेडियमवर सामना रंगणार आहे. यंदाच्या हंगामात काही अतिशय तरुण खेळाडू मैदानात उतरणार असून त्यांच्याकडे सर्वांचे लक्ष लागले आहे.

वैभव सूर्यवंशी:
आयपीएल २०२६ मधील सर्वात तरुण खेळाडू म्हणजे वैभव सूर्यवंशी. तो केवळ १४ वर्षांचा आहे. मागील हंगामात त्याने धडाकेबाज फलंदाजी करत सर्वांना प्रभावित केले होते. गुजरात टायटन्सविरुद्ध ३५ चेंडूत शतक झळकावत त्याने आयपीएल इतिहासातील दुसऱ्या क्रमांकाचे वेगवान शतक केले होते. ७ सामन्यांत २०६ च्या स्ट्राईक रेटने २५२ धावा त्याने केल्या.

आयुष म्हात्रे:
१६ जुलै २००७ रोजी जन्मलेला चेन्नई सुपर किंग्सचा फलंदाज आयुष म्हात्रे हा दुसरा सर्वात तरुण खेळाडू आहे. त्याचे वय सध्या १८ वर्षे १६० दिवस आहे. मागील हंगामात ७ सामन्यांत १८८ च्या स्ट्राईक रेटने २४० धावा करत त्याने छाप पाडली.

साहिल पारिख:
१८ वर्षे १९९ दिवस वय असलेला साहिल पारिख हा तिसरा सर्वात तरुण खेळाडू आहे. दिल्ली कॅपिटल्सने त्याला ३० लाख रुपयांत आपल्या संघात घेतले आहे.

सात्विक देसवाल:
रॉयल चॅलेंजर्स बेंगळुरूने ३० लाखांत खरेदी केलेला सात्विक देसवाल हा चौथा सर्वात तरुण खेळाडू आहे. त्याचे वय १८ वर्षे २७५ दिवस आहे. डावखुरा फिरकी गोलंदाज असलेला सात्विक संधी मिळाल्यास आपली छाप सोडण्यास उत्सुक आहे.

विहान मल्होत्रा:
अंडर-१९ वर्ल्ड कपमधील कामगिरीमुळे चर्चेत आलेला विहान मल्होत्रा हा पाचवा सर्वात तरुण खेळाडू आहे. त्याचे वय १८ वर्षे ३५६ दिवस आहे. आरसीबीने त्याला ३० लाखांत खरेदी केले आहे.