31 C
Mumbai
Saturday, November 21, 2026
घरस्पोर्ट्सडब्ल्यूटीसीमध्ये गिलचा ऐतिहासिक तीन हजार धावा!

डब्ल्यूटीसीमध्ये गिलचा ऐतिहासिक तीन हजार धावा!

Google News Follow

भारत आणि न्यूझीलंड यांच्यात बेसिन रिझर्व्ह मैदानावर सुरू असलेल्या पहिल्या कसोटी सामन्यात भारतीय कर्णधार शुभमन गिलने ऐतिहासिक कामगिरी केली आहे. जागतिक कसोटी अजिंक्यपद स्पर्धेत (डब्ल्यूटीसी) तीन हजार धावांचा टप्पा गाठणारा तो पहिला भारतीय फलंदाज ठरला आहे. तिसऱ्या दिवशी गिलने ९८ धावांची शानदार खेळी करत हा विक्रम आपल्या नावावर केला. मात्र, शतकापासून तो अवघ्या दोन धावांनी दूर राहिला.

गिलने १४६ चेंडूंचा सामना करताना ९ चौकार आणि २ षटकार लगावले. त्याने केएल राहुलसोबत तिसऱ्या विकेटसाठी ९१ धावांची भागीदारी केली. त्यानंतर ऋषभ पंतसोबत चौथ्या विकेटसाठी शतकी भागीदारी रचली. दिवसाच्या अखेरच्या षटकात जेकब डफीच्या गोलंदाजीवर त्रिफळाचीत झाल्याने त्याची खेळी संपुष्टात आली.

विशेष म्हणजे, याच सामन्यात ऋषभ पंतनेही डब्ल्यूटीसीमध्ये तीन हजार धावांचा टप्पा पूर्ण केला. हा पराक्रम करणारा तो दुसरा भारतीय फलंदाज ठरला. पंतने ६२ चेंडूंत नाबाद ५५ धावा केल्या. त्याच्या खेळीत ५ चौकार आणि २ षटकारांचा समावेश आहे.

दरम्यान, भारताने तिसऱ्या दिवसाचा खेळ संपेपर्यंत पहिल्या डावात ४ बाद ४८६ धावा केल्या आहेत. केएल राहुलने २९० चेंडूंत ९ चौकार आणि २ षटकारांच्या मदतीने १३६ धावांची शतकी खेळी साकारली. देवदत्त पडिक्कलने १७५ चेंडूंत ८० धावा केल्या, तर यशस्वी जैस्वालने ८५ धावांचे योगदान दिले.

भारतीय फलंदाजांसमोर न्यूझीलंडच्या गोलंदाजांना फारसे यश मिळवता आले नाही. तिसऱ्या दिवशी भारताने केवळ ३ विकेट गमावल्या. न्यूझीलंडचा पहिला डाव ३६८ धावांवर आटोपला होता. त्यामुळे भारतीय संघाने सामन्यावर मजबूत पकड मिळवली आहे.

National Stock Exchange
spot_img

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

आम्हाला follow करा

113,459चाहतेआवड दर्शवा
2,036अनुयायीअनुकरण करा
342,000सदस्य यादीसदस्य व्हा

इतर नवीनतम कथा