हार्दिक पंड्याची जागा कोणीच घेऊ शकत नाही!

वेस्ट इंडिजविरुद्धची टी-२० मालिका संपल्यानंतर जिओस्टारवर बोलताना गावस्कर यांनी भारतीय संघाला सल्ला दिला. ते म्हणाले की, “आपल्याला या सामन्यात भारताची गोलंदाजी पाहायला मिळाली नाही. या नऊ षटकांच्या सामन्यात भारताने कशा प्रकारे गोलंदाजी केली असती, हे पाहणे निश्चितच मनोरंजक ठरले असते. या मालिकेतून एक गोष्ट शिकायला मिळाली की, भारताने किमान चार नियमित गोलंदाजांसह खेळणे आवश्यक आहे. पाचवा आणि सहावा गोलंदाज असे खेळाडू असू शकतात, जे फलंदाजीही करू शकतात. नमन धीर आणि अक्षर पटेलसारखा खेळाडू, जो फलंदाजी आणि गोलंदाजी दोन्ही करू शकतो.”

गावस्कर पुढे म्हणाले, “आपण कधी-कधी हार्दिक पंड्याचा पर्याय शोधण्याच्या प्रयत्नात थोडे भरकटतो. हार्दिक पंड्याची जागा कोणीच घेऊ शकत नाही. जर तुम्हाला त्याच्यासारखा खेळाडू मिळत नसेल, तर थोडे वेगळे काम करू शकणाऱ्या खेळाडूची निवड करा. नमन धीर हेच काम करत आहे. तो आपली षटके चांगल्या प्रकारे टाकत आहे आणि अखेरच्या टी-२० सामन्यात त्याने कशी फलंदाजी केली, ते पाहा. भारताने याच दिशेने पुढे जाण्याची गरज आहे.”

हे ही वाचा:

दसऱ्याआधी सोने-चांदीच्या दरात मोठी घसरण

गोव्यात ३०० कॉक्रोच आंदोलकांवर गुन्हे

केतन अग्रवाल हत्या प्रकरणात उज्ज्वल निकम विशेष सरकारी वकील

आयपीओपूर्वी रिलायन्स जिओची मोठी तयारी

वेस्ट इंडिजविरुद्धची टी-२० मालिका भारतासाठी आपली राखीव खेळाडूंची ताकद तपासण्याची संधी होती, असेही गावस्कर यांनी सांगितले. मयंक यादव आणि प्रिन्स यादव यांनी चांगली गोलंदाजी केली, तर नमन धीर या दौऱ्याचा शोध ठरून समोर आला. मालिकेदरम्यान त्याची ऑफस्पिन गोलंदाजी आणि अखेरच्या सामन्यातील फलंदाजी प्रभावी ठरली, असे गावस्कर म्हणाले.

भारत आणि वेस्ट इंडिज यांच्यातील पाचवा टी-२० सामना शनिवारी बंगळुरू येथे होणार होता. मात्र, पावसामुळे सामना सुरुवातीला नऊ-नऊ षटकांचा करण्यात आला. भारताने प्रथम फलंदाजी करताना ७.४ षटकांत ५ बाद ११८ धावा केल्या होत्या. त्यावेळी नमन धीर ६ चेंडूंत ३ षटकार आणि १ चौकाराच्या मदतीने २४ धावांवर खेळत होता. त्याच वेळी पुन्हा पावसाला सुरुवात झाली आणि अखेर सामना रद्द करावा लागला. पाच सामन्यांची ही टी-२० मालिका २-२ अशी बरोबरीत राहिली.