सेहवाग-द्रविड़ यांच्या मुलांची भारताच्या अंडर-१९ संघात निवड

माजी भारतीय सलामीवीर वीरेंद्र सेहवाग यांचा मुलगा आर्यवीर सेहवाग आणि माजी कर्णधार व मुख्य प्रशिक्षक राहुल द्रविड यांचा मुलगा अन्वय द्रविड़ यांची ऑस्ट्रेलिया अंडर-१९ संघाविरुद्धच्या आगामी मालिकेसाठी भारताच्या अंडर-१९ संघात निवड झाली आहे.

ज्युनियर पुरुष निवड समितीने ऑस्ट्रेलियाविरुद्धच्या घरच्या मालिकेसाठी भारतीय संघ जाहीर केला आहे. या दौऱ्यात तीन एकदिवसीय आणि दोन बहुदिवसीय सामने खेळवले जाणार आहेत. तीन एकदिवसीय सामने १८, २१ आणि २३ सप्टेंबर रोजी राजकोट येथे होणार आहेत. त्यानंतर २७ ते ३० सप्टेंबर दरम्यान राजकोटमध्ये आणि ५ ते ८ ऑक्टोबर दरम्यान अहमदाबाद येथील नरेंद्र मोदी स्टेडियमच्या ‘बी’ मैदानावर दोन लाल चेंडूचे सामने खेळवले जातील.

एकदिवसीय संघात उत्तराखंडचा फलंदाज लक्ष्य रायचंदानी कर्णधार असेल, तर मध्य प्रदेशचा फलंदाज यशवर्धन चौहान उपकर्णधार असेल. आर्यवीर सेहवाग हा लेगस्पिन ऑलराउंडर असून अन्वय द्रविड़ यष्टीरक्षक फलंदाज आहे. दोघांचाही १५ सदस्यीय वनडे संघात समावेश करण्यात आला आहे.

आर्यवीर सध्या २०२६ दिल्ली प्रीमियर लीगमध्ये (डीपीएल) वेस्ट दिल्ली लायन्सकडून खेळत आहे. त्याने आतापर्यंत दोन सामने खेळले आहेत.

अन्वय द्रविड़ने जुलैमध्ये श्रीलंका दौऱ्यावर भारताच्या अंडर-१९ संघाकडून दोन एकदिवसीय सामन्यांत १०१ धावा केल्या होत्या. भारताने श्रीलंकेविरुद्धची एकदिवसीय मालिका २-१ ने गमावली, मात्र लाल चेंडूची मालिका १-० ने जिंकली.
लक्ष्य रायचंदानी (कर्णधार), यशवर्धन चौहान (उपकर्णधार), रजत बघेल (यष्टीरक्षक), आर्यवीर सहवाग, व्ही. के. विनीत, कुशाग्र ओझा, अर्जुन राजपूत, मनल चौहान, अन्वय द्रविड़ (यष्टीरक्षक), व्ही. यशवीर, रोहित यादव, शाविन विनोद, मोहित उलवा, चिगुरुपती वेंकट आणि काव्या पटेल.