चेक प्रजासत्ताकची कैटेरीना सिनियाकोवा आणि नेदरलँड्सचा सेम वर्बीक यांनी इतिहास रचत विम्बलडन 2025 चे मिक्स्ड डबल्सचे विजेतेपद आपल्या नावावर केले आहे. अंतिम सामन्यात त्यांनी ब्रिटनच्या जो सालिसबरी आणि ब्राझिलच्या लुइसा स्टेफनी यांना सरळ सेट्समध्ये 7-6(3), 7-6(3) अशा फरकाने पराभूत केले.
सेंटर कोर्टवर खेळल्या गेलेल्या या निर्णायक सामन्यात चेक-डच जोडीने संयम आणि आत्मविश्वास दाखवत विजय मिळवला. दुसऱ्या सेटदरम्यान लुइसा स्टेफनी हिला पायाच्या दुखापतीमुळे हालचालीत अडचण जाणवत होती, ज्याचा परिणाम तिच्या खेळावर दिसून आला.
सामन्याचा निर्णायक क्षण
सामन्याचा निर्णायक पॉईंट सिनियाकोवाच्या जबरदस्त ओव्हरहेड स्मॅशने संपन्न झाला आणि त्यानंतर या दोन्ही खेळाडूंनी खिताबी विजयाचा जल्लोष साजरा केला. ही जोडी एकत्र खेळून मिळवलेला पहिलाच ग्रँड स्लॅम मिक्स्ड डबल्स किताब आहे. सिनियाकोवाचा हा पहिला मिक्स्ड डबल्स ग्रँड स्लॅम आहे, तर ३१ वर्षीय वर्बीकसाठी हा त्याच्या कारकिर्दीतील पहिलेच ग्रँड स्लॅम विजेतेपद आहे.
विजयानंतर २९ वर्षीय सिनियाकोवा म्हणाली, “हा अनुभव खूप खास आहे. या प्रतिष्ठित स्पर्धेत खेळून आणि जिंकून खूप आनंद झाला. हे एक अविस्मरणीय अनुभव होते.”
विशेष म्हणजे, आता सिनियाकोवाच्या नावावर एकूण ११ ग्रँड स्लॅम डबल्स विजेतेपद आहेत. यामध्ये यावर्षी जानेवारीमध्ये टेलर टाउन्सेंडसोबत मिळवलेले ऑस्ट्रेलियन ओपन महिला डबल्सचे विजेतेपदही समाविष्ट आहे.
काय म्हणाले वर्बीक
आपल्या जोडीदाराची स्तुती करताना वर्बीक म्हणाले, “कैटेरीना, मनापासून धन्यवाद. तुमच्यासोबत कोर्ट शेअर करणे माझ्यासाठी सन्मानाची बाब होती. तुम्ही डबल्समधील सर्वोत्तम खेळाडूंमध्ये आहात. आजचा दिवस तुम्ही माझ्या आयुष्यातील सर्वात संस्मरणीय बनवला.”
दरम्यान, सामना गमावलेल्या जो सालिसबरीने पराभवानंतर भावना व्यक्त करताना म्हटले, “फायनल हरणे नेहमीच दुखद असते, पण त्यांनी उत्कृष्ट खेळ केला. दोन्ही टाय-ब्रेकरमध्ये ते आमच्यापेक्षा सरस होते.”
या विजयानंतर सिनियाकोवा आणि वर्बीक यांनी केवळ पहिल्यांदाच मिक्स्ड डबल्सचे विजेतेपद पटकावले नाही, तर विंबलडनच्या इतिहासात आपले नावही अजरामर केले आहे.
