बराच काळ केंद्रात सत्तेत नसल्यामुळे काँग्रेस नेत्यांना पक्ष चालवण्यासाठी पैशाची कमतरता पडत असावी. सत्तेत असताना दलाली जोरात होती. पैसा ओरपण्याची सवय जडली असल्यामुळे कितीही पैसा मिळाला तरी यांना कमीच पडतो. त्यामुळे काँग्रेस सध्या कंटेट क्रिएशनचा नवा धंदा सुरू केला आहे. प्रपोगंडासाठी पाकिस्तानकडून या कंटेटचा अर्थात प्रचार सामुग्रीचा वापर होतो. तिथेही पेच आहे, कारण हे रिकाम्या मडक्यांचे काम नाही. यासाठी जी अक्कल लागते, ती ना काँग्रेसच्या सर्वोच्च नेत्याकडे आहे. ना त्याच्या चरणी अक्कल गहाण ठेवणाऱ्या गुलामांकडे. बहुधा त्यामुळेच काँग्रेसच्या बिनडोक प्रचाराचे थोबाड एका आठवड्यात दोन वेळा थोबाड फुटलेले आहे.