सध्याचा होमुर्झ सामुद्रधुनी परिसरातील तणाव हा जागतिक अर्थचक्रावर जबरदस्त परिणाम करणारा ठरतोय. जगासाठी आणि विशेषतः भारतासाठी ही समस्या म्हणजे केवळ काही दिवसांचा प्रश्न नाहीये नाहीये, तर दीर्घकालीन धोका म्हणून समोर आलेली बाब आहे. भारताची परिस्थिती पाहिली तर देश जवळपास ९० टक्के कच्चे तेल परदेशातून आयात करतो. नैसर्गिक वायूच्या गरजांपैकी निम्म्याहून अधिक गरज आयातीवर अवलंबून आहे. यापैकी सुमारे ४० ते ५० टक्के पुरवठा होमुर्झ सामुद्रधुनी या अरुंद समुद्री मार्गातून येतो. त्यामुळे या मार्गात थोडासाही अडथळा आला तरी त्याचा थेट परिणाम भारतावर होतो. त्यामुळे ऊर्जा सुरक्षेमध्ये भारताने आत्मनिर्भर असणं ही गरज बनली आहे. जगभरात वाढत चाललेला ऊर्जा संघर्ष, पश्चिम आशियातील अस्थिरता आणि सुरक्षित इंधन पुरवठ्याची वाढती चिंता यामुळे भारताने पुन्हा एकदा जुन्या पण अत्यंत महत्त्वाच्या प्रकल्पांकडे लक्ष केंद्रित करण्यास सुरुवात केली आहे. त्यापैकीच एक म्हणजे भारत–ओमान खोल समुद्री गॅस पाइपलाइन प्रकल्प ज्याला ओमान–गुजरात गॅस पाइपलाइन म्हणूनही ओळखलं जातं. याच प्रकल्पाचा सविस्तर आढावा घेण्यासाठी व्हिडीओ नक्की पाहा.