जम्मू- काश्मीरच्या किश्तवाडमध्ये दहशतवाद्यांशी झालेल्या चकमकीत एक जवान हुतात्मा

जम्मू- काश्मीरच्या किश्तवाड जिल्ह्यात सुरक्षा दल आणि दहशतवाद्यांमध्ये चकमक झाल्याची माहिती समोर आली आहे. या कारवाई दरम्यान, झालेल्या चकमकीत एक लष्करी जवान हुतात्मा झाल्याची माहिती अधिकाऱ्यांनी दिली आहे. “१९ जानेवारी २०२६ च्या रात्री सुरू असलेल्या ऑपरेशन त्राशी- १ दरम्यान सिंगपुरा परिसरात दहशतवाद विरोधी कारवाई शौर्याने पार पाडताना सर्वोच्च बलिदान देणाऱ्या विशेष दलातील हवालदार गजेंद्र सिंग यांना जीओसी, व्हाईट नाईट कॉर्प्स आणि सर्व रँक श्रद्धांजली अर्पण करतात,” असे एका अधिकृत निवेदनात म्हटले आहे.

रविवारी जम्मू- काश्मीरमधील किश्तवाड जिल्ह्यातील सिंगपोरा भागात सुरक्षा दल आणि दहशतवाद्यांमध्ये झालेल्या चकमकीनंतर ही घटना घडली आहे. आज सकाळी झालेल्या गोळीबारानंतर झालेल्या या चकमकीत किमान आठ जवान जखमी झाले आहेत. किश्तवाड जिल्ह्यातील सिंगपोरा भागात सुरक्षा दल आणि दहशतवाद्यांमध्ये चकमक झाली. पाकिस्तान समर्थित जैश-ए-मोहम्मद दहशतवादी संघटनेच्या तीन दहशतवाद्यांनी जवानांवर गोळीबार केल्याचे समजते आणि त्यांनी सुरक्षा कर्मचाऱ्यांवर ग्रेनेडही फेकले.

लष्करी अधिकाऱ्यांनी सांगितले की, किश्तवाडमधील छत्रूच्या ईशान्येकडील सोन नार या सामान्य भागात त्राशी- १ नावाचे ऑपरेशन सुरू आहे. सुरक्षा अधिकाऱ्यांनी सुरक्षा व्यवस्था कडक केली आहे आणि जम्मू- काश्मीर पोलिस आणि सीआरपीएफसह सैन्य या भागात तैनात आहे. जिल्ह्यातील छत्रू भागात सुरक्षा दलांनी दहशतवाद्यांच्या उपस्थितीविरुद्ध कारवाई सुरू केल्यानंतर ही चकमक सुरू झाली.

हे ही वाचा:

कब्रस्तानच्या जमिनीवर बांधली मशीद; ‘वक्फ’ दर्जासाठी दिले खोटे पुरावे

ट्रम्प यांच्या टॅरिफविरोधात युरोपियन संघ सार्वभौमत्वाचे अस्त्र वापरणार

बलुचिस्तानातील ४० मशिदी पाडणाऱ्या पाकने भारताला शहाणपणा शिकवू नये

“भारतात खेळा अन्यथा दुसऱ्या संघाला जागा द्या!”

जम्मू प्रदेशातील किश्तवाड आणि दोडा हे डोंगराळ जिल्हे आजूबाजूला आहेत. या पर्वतीय जंगलात ३५ पाकिस्तानी दहशतवादी लपले असल्याची माहिती देण्यात आली होती. लष्कराने या प्रदेशात एक नवीन दहशतवादविरोधी रणनीती देखील सुरू केली आहे ज्यामध्ये दहशतवादी कारवायांना आळा घालण्यासाठी बर्फाच्छादित उंच भागात कारवाया तीव्र करण्यावर लक्ष केंद्रित केले आहे. रात्रीच्या ऑपरेशन्ससाठी आणि पारंपारिक स्काउटिंग धोकादायक असलेल्या भूप्रदेशात थर्मल इमेजिंग उपकरणे आणि मानवरहित हवाई प्रणाली अमूल्य सिद्ध झाल्या आहेत.