पावसाच्या हाहाकाराने मुंबईत अपघातांची मालिका

रात्रभर कोसळणाऱ्या मुसळधार पावसाने मुंबईला झोडपून काढले. एकीकडे या पावसामुळे मुंबईच्या अनेक सखल भागात नेहमीप्रमाणे पाणी साचलेले पाहायला मिळाले. तर दुसरकीकडे अपघातांच्या काही घटना समोर आल्या आहेत.

मुंबईतील चेंबूर, विक्रोळी, भांडुप भागात भिंत पडल्याच्या घटना घडल्याचे समोर आले आहे. या घटनांमध्ये काही जणांनी आपले प्राण गमावले आहेत, तर काही जण जखमी झाले आहेत. या अपघातांची माहिती कळताच एनडीआरएफ अर्थात केंद्रीय बचाव पथकाचे जवान घटनास्थळी दाखल झाले असून बचावकार्याला सुरुवात झाली आहे.

आत्तापर्यंत मुंबई येथे घडलेल्या दुर्घटनांमध्ये एकूण २३ जणांनी आपल्या जीव गमावल्याची माहिती समोर आली आहे. शनिवारी, रात्री १ वाजता चेंबूर येथे भिंत कोसळल्याची घटना घडली. वाशी नाका जवळच्या न्यू भारत नगर येथे ही घटना घडली.सततच्या पावसामुळे एक झाड या भिंतीवर पडून आणि भिंत कोसळली. या अपघातात आत्तापर्यंत १७ जणांचा मृत्यू झाल्याची माहिती समोर आली आहे.

तर विक्रोळी येथे रात्री २.३० च्या सुमारास भिंत पडल्याची घटना घडली आहे. रात्री झोपेत ६ जणांच्या अंगावर ही भीत कोसळली असून या नागरिकांचा या अपघातात मृत्यू झाला आहे. त्यासोबतच भांडुपमध्येही अशाच प्रकारची दुर्घटना घडून त्यात एका बालकाचा मृत्यू झाल्याची माहिती मिळत आहे.

हे ही वाचा:

पावसाने उडवली मुंबईकरांची झोप

विकिपीडियावर विश्वास ठेवू नका…साईटवर डाव्यांचा कब्जा

भारतीय नौदलाच्या ताफ्यात अमेरिकेची एमएच-६०आर हेलिकॉप्टर्स दाखल

‘या’ शिवसेना नेत्यामागेही लागला ईडीचा ससेमिरा

पंतप्रधानांनी जाहीर केली मदत
मुंबईत घडलेल्या या दुर्दैवी अपघातांची दखल केंद्र सरकारकडून घेण्यात आली आहे. पंतप्रधान नरेंद्र मोदी यांनी या दुर्घटनेत प्राण गमावलेल्या नागरिकांना श्रद्धांजली वाहिली आहे. तर आर्थिक मदतही जाहीर केली आहे. मृतांच्या वारसांना २ लाख रुपये तर जखमींना ५० हजार रुपयांची मदत जाहीर करण्यात आली आहे.

Rs. 2 lakh each from PMNRF would be given to the next of kin of those who lost their lives due to wall collapses in Mumbai. Rs. 50,000 would be given to those injured.

— PMO India (@PMOIndia) July 18, 2021

उशिराने की होईना पण मुख्यमंत्र्यांनाही जाग
महाराष्ट्रात आणि त्यातही राजधानी मुंबईत एवढ्या मोठ्या प्रमाणावर अपघात होऊन नागरिकांचे जीव गेले असताना महाराष्ट्राचे मुख्यमंत्री मात्र जागेवर दिसत नव्हते. दुपारी अंदाजे १२.३० च्या सुमारास सीएमओच्या ट्विटर हॅण्डलवरून ट्विट करण्यात आले. यावेळी मृतांच्या नातेवाईकांना ५ लाख रुपयांची मदत जाहीर करण्यात आले. तर जखमींवर मोफत उपचार होणार असल्याचे जाहीर केले गेले.

मृतांच्या वारसांना शासनाकडून प्रत्येकी ५ लाख रुपये व जखमींवर मोफत उपचार केले जातील असे त्यांनी जाहीर केले.

आजही पावसाचा हवामान खात्याचा अंदाज असल्याने सर्व यंत्रणांनी सज्ज रहावे, कुठेही दुर्घटना घडल्यास त्वरित बचाव कार्य सुरू ठेवावे, मदत पोहचवावी असेही त्यांनी निर्देश दिले आहेत.

— CMO Maharashtra (@CMOMaharashtra) July 18, 2021