37 C
Mumbai
Tuesday, April 16, 2024
घरविशेषअहमदनगर आता पुण्यश्लोक अहिल्यादेवी नगर

अहमदनगर आता पुण्यश्लोक अहिल्यादेवी नगर

वेल्हे तालुक्याचे नाव आता राजगड, राज्य मंत्रिमंडळातील निर्णय

Google News Follow

Related

मुख्यमंत्री एकनाथ शिंदे यांच्या अध्यक्षतेखाली बुधवार, १३ मार्च रोजी राज्य मंत्रिमंडळाची बैठक पार पडली. सह्याद्री अतिथीगृह येथे पार पडलेल्या या बैठकीत उपमुख्यमंत्री देवेंद्र फडणवीस, उपमुख्यमंत्री अजित पवार आणि मंत्रिमंडळातील सदस्य उपस्थित होते. लोकसभा निवडणुकीची आचारसंहिता कधीही लागू होऊ शकते त्यामुळे ही बैठक महत्त्वाची मानली जात होती. अशातच अनेक महत्त्वाचे निर्णय महायुती सरकारने या बैठकीत घेतले आहेत.

या बैठकीत पुणे जिल्ह्यातील वेल्हे तालुक्याला ‘राजगड’ किल्ल्याचे नाव देण्याचा निर्णय घेण्यात आला आहे. तर, अहमदनगर शहराचे नामकरण ‘पुण्यश्लोक अहिल्यादेवी नगर’ करण्यास देखील मान्यता देण्यात आली आहे. राज्याचे उपमुख्यमंत्री अजित पवार यांनी वेल्हे तालुक्याचे नाव बदलून ‘राजगड’ करावे अशी मागणी विरोधीपक्ष नेते असताना त्यांनी आणि नागरिकांनी केली होती.

मंत्रिमंडळ बैठकीत घेण्यात आलेले निर्णय

  • अहमदनगर शहराचे नामकरण ‘पुण्यश्लोक अहिल्यादेवी नगर’ करण्यास मान्यता़
  • पुणे जिल्ह्यातील वेल्हे तालुक्याचे नाव राजगड करण्यास मान्यता
  • केंद्राच्या सहाय्याने लहान शहरांमध्ये अग्निशमन सेवा बळकट करणार. राज्याच्या १५३ कोटी हिश्श्याला मान्यता
  • मराठी भाषेच्या प्रचार प्रसारासाठी अद्ययावत मराठी भाषा धोरण जाहीर
  • पोलीस पाटलांच्या मानधनात भरीव वाढ. आता मिळणार महिन्याला १५ हजार रुपये
  • श्रीनगरजवळ महाराष्ट्र राज्य अतिथीगृह बांधणार. अडीच एकर भूखंड घेणार
  • कोल्हापूर, सांगली जिल्ह्यामधील पूर नियंत्रणासाठी जागतिक बँकेचे अर्थसहाय्य. ३२०० कोटींचा प्रकल्प
  • भांडवली गुंतवणुकीसाठी विशेष सहाय्य योजनेत ५० वर्ष मुदतीचे बिनव्याजी कर्ज
  • राष्ट्रीय आरोग्य विभागातील कंत्राटी कर्मचाऱ्यांना सेवेत घेणार. हजारो कर्मचाऱ्यांना लाभ
  • महानंद प्रकल्पाची स्थिती सुधारणार. नफ्यात आणणार
  • मंगळवेढा उपसा सिंचन योजनेस मान्यता. ३५ गावांना लाभ होणार
  • मूर्तिजापूर येथील वडगाव साठवण तलावाची दुरुस्ती करणार. १२५ हेक्टर जमीन सिंचित करणार
  • शुभमंगल सामूहिक विवाह योजनेत अनुदानामध्ये वाढ. आता संस्थांना २५ हजार रुपये अनुदान.
  • मानसेवी वैद्यकीय अध्यापकांचे मानधन वाढविले.
  • आयटीआय मधील कंत्राटी शिल्पनिदेशकांना नियमित शासन सेवेत घेणार.
  • कृषी वाहिन्यांचे सौरऊर्जीकरण करण्यासाठी ९०२० कोटी एआयआयबी बँकेकडून घेणार.
  • शेतकऱ्यांना दिवसा वीज देण्यासाठी वीज वितरण प्रणालीचे सक्षमीकरण करणार – ११ हजार ५८५ कोटींच्या प्रकल्पास मान्यता
  • पशुसंवर्धन व दुग्धविकास विभागाचे एकत्रीकरण करून पुनर्रचना. प्रशासनात सुधारणा होणार
  • म्हसळा तालुक्यात शासकीय युनानी महाविद्यालय व रुग्णालय सुरू करणार. युनानी उपचार प्रणालीला प्रोत्साहन
  • आशा स्वयंसेविका मानधनात भरीव पाच हजार रुपये वाढ
  • मुंबईतील आठ रेल्वे स्थानकांची ब्रिटिशकालीन नावे बदलणार
  • मुंबई उपनगरातील वाहतुकीचा मार्ग आणखी मोकळा होणार. उत्तन ते विरार सागरी सेतू मार्गास मान्यता
  • मुख्यमंत्री ग्राम सडक योजनेत २३ हजार किलोमीटरचे रस्ते बांधणार. या वर्षात दहा हजार किमी रस्ते
  • भोगवटामूल्याची रक्कम कमी करणार
  • महाराष्ट्र आणि गोवा वकील परिषदेच्या अकादमीसाठी कळवा येथील शासकीय जमीन
  • जालना खामगाव नवीन ब्रॉडगेज रेल्वे मार्ग. २४५३ कोटी राज्याच्या हिश्यास मान्यता
  • दूध व दुग्धजन्य पदार्थांची गुणवत्ता तपासण्याचे अधिकार पशुसंवर्धन आयुक्तांना

मुंबईतील ‘या’ रेल्वे स्थानकांना मिळणार नवी ओळख

  1. करी रोड- लालबाग
  2. सँडहर्स्ट रोड- डोंगरी
  3. मरीन लाईन्स- मुंबादेवी
  4. चर्नी रोड- गिरगाव
  5. कॉटन ग्रीन- काळाचौकी
  6. डॉकयार्ड रोड- माझगाव
  7. किंग्ज सर्कल- तीर्थंकर पार्श्वनाथ
  8. मुंबई सेंट्रल- नाना शंकरशेठ

हे ही वाचा:

संसद घुसखोर प्रकरण; भाजपचे खासदार प्रताप सिम्हा तिकिटाच्या प्रतीक्षेत!

रामेश्वरम कॅफे बॉम्बस्फोट प्रकरणी एनआयएकडून एक संशयित ताब्यात

शाहजहान शेखचा शाळा सोडल्याचा दाखला बांगलादेशचा!

इंटरनेटवर ‘व्हॉट्स राँग विथ इंडिया?’ ट्रेंड!

spot_img

लेखकाकडून अधिक

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

आम्हाला follow करा

49,899चाहतेआवड दर्शवा
2,036अनुयायीअनुकरण करा
147,000सदस्य यादीसदस्य व्हा

इतर नवीनतम कथा