वायू प्रदूषणामुळे मेंदूच्या ट्युमरचा धोका !

एका नवीन संशोधनानुसार, वायू प्रदूषण केवळ हृदय व फुफ्फुसांनाच हानी पोहोचवत नाही, तर ते मेंदूमध्ये विकसित होणाऱ्या एका सामान्य ट्युमर — मेनिन्जिओमा — चा धोका देखील वाढवू शकते. मेनिन्जिओमा हा ट्युमर सहसा कॅन्सर नसतो (नॉन-कॅन्सरस) आणि तो मेंदू व मणक्याच्या कणा भोवती असलेल्या पातळ आवरणात (मेनिन्जेस) तयार होतो. जरी हा ट्युमर घातक नसला, तरी त्यामुळे डोकेदुखी, फिट्स येणे किंवा इतर न्यूरोलॉजिकल समस्या उद्भवू शकतात.

‘न्यूरोलॉजी’ या जर्नलमध्ये प्रकाशित या अभ्यासात संशोधकांनी वायू प्रदूषण आणि मेनिन्जिओमा यांच्यातील संभाव्य संबंध शोधून काढला आहे. जरी प्रदूषण हे ट्युमरचे थेट कारण आहे, असे सिद्ध झालेले नसले तरी, दोघांमध्ये दुवा असल्याचे संकेत मिळाले आहेत. अभ्यासात वाहतुकीशी संबंधित प्रदूषक — जसे की नायट्रोजन डायऑक्साइड आणि अल्ट्राफाइन कण (अत्यंत सूक्ष्म कण) — यांचा अभ्यास करण्यात आला. हे प्रदूषक शहरी भागांमध्ये जास्त प्रमाणात आढळतात. असे आढळले की जे लोक या प्रदूषकांच्या दीर्घकाळ संपर्कात होते, त्यांच्यात मेनिन्जिओमा होण्याचा धोका अधिक होता.

हेही वाचा..

निवडणूक आयोगाच्या प्रक्रियेवरील याचिका : सुप्रीम कोर्टाची महत्त्वपूर्ण टिप्पणी

IREDA बाँडमध्ये गुंतवणुकीवर मिळणार कर सवलत

महिलांचे गुपचूप व्हिडीओ रेकॉर्डिंग !

जन्मप्रमाणपत्र घोटाळा प्रकरणी मालेगाव महापालिकेच्या दोन अधिकाऱ्यांना अटक!

डेनमार्क कॅन्सर इन्स्टिट्यूटच्या संशोधक उल्ला ह्विडटफेल्ड यांनी सांगितले, “अल्ट्राफाइन कण इतके सूक्ष्म असतात की ते रक्त-मस्तिष्क अडथळा पार करू शकतात आणि मेंदूच्या ऊतींवर परिणाम करू शकतात. हा अभ्यास डेनमार्कमधील सुमारे ४० लाख प्रौढांवर करण्यात आला. त्यांची सरासरी वय ३५ वर्षे होती आणि त्यांना २१ वर्षांपर्यंत ट्रॅक करण्यात आले. या काळात १६,५९६ लोकांमध्ये मेंदू किंवा मध्य मज्जासंस्थेचा ट्युमर आढळला, यामध्ये ४,६४५ जणांना मेनिन्जिओमा होता.

अभ्यासात ट्रॅफिकमधून होणाऱ्या अल्ट्राफाइन कणांचा आणि मेनिन्जिओमा ट्युमरचा संबंध दिसून आला. मात्र, ग्लायोमा सारख्या अधिक गंभीर ट्युमरप्रकारांबाबत असा संबंध स्पष्ट झाला नाही. ह्विडटफेल्ड म्हणाल्या, “वाहतूक आणि इतर स्रोतांमधून होणाऱ्या वायू प्रदूषणाच्या दीर्घकालीन संपर्कामुळे मेनिन्जिओमा होण्याचा धोका वाढतो. हे दाखवते की प्रदूषणाचा फक्त हृदय आणि फुफ्फुसांवरच नव्हे तर मेंदूवरही परिणाम होतो. त्यांनी पुढे सांगितले की, “जर स्वच्छ हवेमुळे मेंदूच्या ट्युमरचा धोका कमी होऊ शकतो, तर हे सार्वजनिक आरोग्यासाठी एक मोठा बदल ठरू शकतो. संशोधकांचे म्हणणे आहे की या निष्कर्षाची पुष्टी करण्यासाठी अधिक सखोल अभ्यासाची गरज आहे.