राज्यातील कोरोनाबाधितांच्या संख्येत दिवसेंदिवस वाढ होत आहे. गेल्या काही दिवसांपासून अनेक सेलिब्रिटींना कोरोनाची लागण झाली आहे. यात आता आणखी एका बॉलिवूड अभिनेत्याच्या नावाचा समावेश झाला आहे. बॉलिवूड अभिनेता अक्षय कुमार याला कोरोनाची लागण झाली आहे. त्याने स्वत: ट्वीट करत याबाबतची माहिती दिली आहे.
— Akshay Kumar (@akshaykumar) April 4, 2021
“आज सकाळी माझा कोरोनाचा रिपोर्ट पॉझिटिव्ह आला आहे. यानंतर मी सर्व प्रोटोकॉल पाळत स्वत:ला आयसोलेट केलं आहे. मी सध्या घरातच क्वारंटाईन आहे. तसेच डॉक्टरांनी दिलेले सर्व उपचार घेत आहे. माझ्या संपर्कात आलेल्या सर्वांनी काळजी घ्या. तसेच शक्य असल्यास कोरोना चाचणी करुन घ्यावी. बॅक इन ऍक्शन व्हेरी सून” असे ट्वीट अक्षय कुमारने केले आहे.
हे ही वाचा:
लॉकडाऊन करू नका, सदाभाऊ खोत यांची राज्यपालांना विनंती
मुख्यमंत्र्यांनी सांगितलेले नियम शिवसेनाच पाळत नाही?
लुटीचा मुद्देमाल जनतेला केला परत
…आणि महाराष्ट्र काँग्रेस पडली तोंडावर
दरम्यान अक्षय कुमारने काही दिवसांपूर्वी अॅक्शन-अॅडव्हेंचर असलेल्या राम-सेतू या चित्रपटाच्या शूटींगला सुरुवात केली होती. या चित्रपटात अक्षय पुरातत्वशास्त्रज्ञ म्हणून भूमिका साकारत आहे. या चित्रपटाचा पहिला लूक त्याने नुकताच शेअर केला होता. “माझ्यासाठी सर्वात खास चित्रपट बनवण्याचा प्रवास आजपासून सुरू होत आहे. राम सेतुचे शुटिंग सुरू! मी चित्रपटात पुरातत्वशास्त्रज्ञाची भूमिका साकारत आहे. माझ्या या लूकवर आपले विचार ऐकायला मला आवडतील…ते माझ्यासाठी नेहमीच महत्त्वाचे आहेत.” अशी पोस्ट त्याने इन्स्टाग्रामवर केली होती.
