केंद्रीय गृहमंत्री अमित शहा यांच्यासाठी ५ ऑगस्टचा दिवस इतिहास घडवणारा ठरला आहे. भारताच्या इतिहासातील सर्वात जास्त काळ गृहमंत्रीपद भूषवणारे नेते म्हणून त्यांनी नवा विक्रम प्रस्थापित केला आहे. यापूर्वी हा विक्रम ज्येष्ठ भाजप नेते लालकृष्ण अडवाणी यांच्या नावावर होता. अमित शहा यांनी ३० मे २०१९ रोजी भारताचे गृहमंत्री म्हणून जबाबदारी स्वीकारली होती. पंतप्रधान नरेंद्र मोदी यांच्या पहिल्या कार्यकाळात राजनाथ सिंह हे गृहमंत्री होते. मात्र, २०१९ च्या लोकसभा निवडणुकीत भाजपने प्रचंड बहुमताने विजय मिळवल्यानंतर, पंतप्रधान मोदी यांच्या दुसऱ्या कार्यकाळात अमित शहा यांची गृहमंत्रीपदी नियुक्ती करण्यात आली आणि सध्या देखील ते हाच पदभार सांभाळत आहेत. १० जून २०२४ रोजी त्यांनी दुसऱ्यांदा गृहमंत्रीपदाची शपथ घेतली.
३० मे २०१९ ते ५ ऑगस्ट २०२५ पर्यंत, अमित शहा यांनी एकूण २,२५८ दिवस गृहमंत्री म्हणून सेवा दिली आहे. यापूर्वी लालकृष्ण अडवाणी यांनी १९ मार्च १९९८ ते २२ मे २००४ या काळात २,२५६ दिवस गृहमंत्रीपद भूषवले होते. तेव्हा अटल बिहारी वाजपेयी हे पंतप्रधान होते. गृहमंत्रीपदावरील दीर्घकालीन सेवेसाठी ओळखले जाणारे आणखी एक नाव म्हणजे काँग्रेस नेते गोविंद बल्लभ पंत, ज्यांनी १० जानेवारी १९५५ ते ७ मार्च १९६१ या काळात ६ वर्षे ५६ दिवस गृहमंत्रीपद सांभाळले. भारताचे पहिले गृहमंत्री सरदार वल्लभभाई पटेल यांनी १५ ऑगस्ट १९४७ ते १२ डिसेंबर १९५० या कालावधीत १,२१८ दिवस ही जबाबदारी सांभाळली होती.
हेही वाचा..
पंतप्रधान मोदींनी केले फिलिपीन्सचे राष्ट्रपती आर. मार्कोस यांचे स्वागत
आम्ही विकसित भारताच्या निर्मितीच्या दिशेने
यूपीआय आधारित व्यवहार पहिल्यांदाच ७० कोटींच्या पुढे
आमच्या विद्यार्थी नेत्यांची अटक ही एका गहन कटाचा भाग
अमित शहा यांचा गृहमंत्री म्हणून कार्यकाळ धाडसी आणि ऐतिहासिक निर्णयांनी भरलेला राहिला आहे. त्यांच्या काळात आतंकवादाविरुद्ध कठोर कारवाई, आंतरिक सुरक्षेच्या बळकटीसाठी महत्त्वाचे पावले उचलण्यात आली. त्यांच्या काही ऐतिहासिक निर्णयांमध्ये: जम्मू-कश्मीरमधून अनुच्छेद ३७० हटवणे, नागरिकत्व सुधारणा कायदा (CAA) लागू करणे, नवीन फौजदारी न्याय संहिता लागू करणे, डाव्या विचारसरणीच्या उग्रवाद व नक्षलवादविरुद्ध महत्त्वपूर्ण ऑपरेशन्स यांचा समावेश आहे.
