दिल्ली कॅपिटल्सची धुरा अक्षर पटेलच्या हाती

दिल्ली कॅपिटल्सने इंडियन प्रीमियर लीग (आयपीएल) २०२५ साठी अक्षर पटेलची कर्णधार म्हणून निवड केली आहे. गेल्या वर्षी नोव्हेंबरमध्ये झालेल्या मेगा लिलावापूर्वी कर्णधार रिषभ पंत याने दिल्लीचा संघ सोडल्यानंतर त्याची जागा अक्षर पटेल या अष्टपैलू खेळाडूने घेतली आहे. भारतासाठी चांगली कामगिरी करत अक्षर पटेल याने दिल्लीच्या संघाचे कर्णधारपद मिळवले आहे. दरम्यान, लिलावात लखनऊ सुपर जायन्ट्स (एलएसजी) संघाने २७ कोटी रुपये खर्च करून रिषभ पंत याला संघात घेतले आहे.

यापूर्वी, दिल्ली कॅपिटल्सने लिलावात केएल राहुलला १४ कोटी रुपयांना खरेदी केल्यानंतर संघाचा कर्णधार तोच होईल असा अंदाज होता, परंतु फ्रँचायझीने अक्षर पटेल याला संधी दिली आहे. यापूर्वीही अक्षर पटेल याने टी-२० मध्ये कर्णधारपद भूषवले आहे. त्याने २०१८ ते २०२४ पर्यंत १६ टी-२० सामन्यांमध्ये बडोद्याचे नेतृत्व केले होते, त्यापैकी १० सामन्यांमध्ये त्याने विजय मिळवला होता. त्याने १२ मे २०२४ रोजी बेंगळुरूच्या एम चिन्नास्वामी स्टेडियमवर रॉयल चॅलेंजर्स बेंगळुरू (आरसीबी) विरुद्ध दिल्ली कॅपिटल्सचे नेतृत्व देखील केले होते. मात्र, दिल्लीने हा सामना ४७ धावांनी गमावला होता.

“दिल्ली कॅपिटल्सचे कर्णधारपद भूषवणे हा माझ्यासाठी पूर्ण सन्मान आहे आणि माझ्यावर विश्वास ठेवल्याबद्दल मी संघ मालकांचा आणि सपोर्ट स्टाफचा मनापासून आभारी आहे. कॅपिटल्समध्ये असताना मी एक क्रिकेटपटू आणि माणूस म्हणून विकसित झालो आहे आणि पुढे जाऊन या संघाचे नेतृत्व करण्यासाठी मी तयार आणि आत्मविश्वासू आहे,” अशा भावना अक्षर पटेल याने दिल्लीच्या कर्णधारपदी नियुक्ती झाल्यावर व्यक्त केल्या आहेत.

हे ही वाचा : 

युक्रेन- रशिया युद्धात लक्ष घातल्याबद्दल पुतीन यांनी पंतप्रधान मोदींसह जागतिक नेत्यांचे मानले आभार

आयपीएल २०२५ ईशान किशनसाठी सुवर्णसंधी!

बीएलएच्या ताब्यात अजूनही १५४ जवान? प्रत्यक्षदर्शी सैनिकाने पाक सेनेचा दावा केला उघड!

कोल्हापुरातील ‘शिवाजी विद्यापीठा’च्या नामांतरासाठी पुन्हा एकदा जनआंदोलन!

टी-२० कर्णधार म्हणून, अक्षरने ३६.४० च्या सरासरीने ३६४ धावा केल्या आहेत, गेल्या वर्षी आरसीबीविरुद्ध त्याचा सर्वोच्च धावसंख्या ५७ होती. चेंडूसह, त्याने २९.०७ च्या सरासरीने १३ विकेट्स घेतल्या आहेत, ज्यामध्ये सय्यद मुश्ताक अली ट्रॉफी २०२१ मध्ये बडोद्याविरुद्ध ४-०-१३-२ ही त्याची सर्वोत्तम कामगिरी आहे.