बांगलादेश न्यायालयाने हिंदू साधू चिन्मय दास यांचा जामीन अर्ज फेटाळला!

ढाकाहून चट्टोग्रामला गेलेल्या ११ सुप्रीम कोर्टाच्या वकिलांच्या टीमने मागितलेला जामीन अर्ज मेट्रोपॉलिटन सत्र न्यायाधीश मोहम्मद सैफुल इस्लाम यांनी सुमारे ३० मिनिटे दोन्ही बाजूंचा युक्तिवाद ऐकल्यानंतर फेटाळला, असे ढाकास्थित द डेली स्टारने वृत्त दिले आहे.

हे ही वाचा : 

कोलकाता इस्कॉनचे उपाध्यक्ष राधा रमण यांनी सांगितले की, ही अत्यंत दुःखद बातमी आहे. आपल्याला माहित आहे की संपूर्ण जग हे पाहत होते. नवीन वर्षात चिन्मय प्रभूला स्वातंत्र्य मिळेल अशी आशा सर्वांना होती. मात्र ४२ दिवसांनंतरही आज झालेल्या सुनावणीत त्यांचा जामीन फेटाळण्यात आला. बांगलादेश सरकारने त्यांना न्याय मिळेल याची खात्री करावी, असे ते म्हणाले.