गुजरातमधील भाजप सरकारने शुक्रवारी २५ सदस्यांच्या नवीन मंत्रिमंडळाची घोषणा केली. यामध्ये राज्याचे गृहमंत्री हर्ष संघवी यांनी उपमुख्यमंत्री म्हणून शपथ घेतली आणि क्रिकेटपटू रवींद्र जडेगा यांच्या पत्नी रिवाबा जडेजा यांनी मंत्री म्हणून शपथ घेतली. २०२२ च्या विधानसभा निवडणुकीत आपच्या उमेदवाराचा १ लाखाहून अधिक मतांनी पराभव करून दणदणीत विजय मिळवणारे संघवी यांनी राज्यपाल आचार्य देवव्रत यांच्या उपस्थितीत गांधीनगर येथील राजभवनात मुख्यमंत्री भूपेंद्र पटेल यांचे उपमुख्यमंत्री म्हणून शपथ घेतली.
एक दिवस आधी, गुरुवारी, मुख्यमंत्री भूपेंद्र पटेल वगळता सर्व मंत्र्यांनी नवीन मंत्रिमंडळ स्थापन करण्यासाठी आपल्या पदांचे राजीनामे दिले होते. भूपेश पटेल यांच्यासाठी हा महत्त्वाचा निर्णय पक्षातील महत्त्वपूर्ण बदलाचे संकेत म्हणून पाहिला जात आहे. सर्वात महत्त्वाचा विकास म्हणजे हर्ष संघवी यांची उपमुख्यमंत्रीपदी नियुक्ती. सुरतचे माजी आमदार आणि गृहराज्यमंत्री हर्ष संघवी आता गुजरातचे उपमुख्यमंत्री झाले आहेत. वृत्तानुसार, पक्षातील त्यांचा प्रभाव आणि तरुणांमध्ये त्यांची लोकप्रियता लक्षात घेऊन हा निर्णय घेण्यात आला आहे.
नवीन मंत्रिमंडळात अनेक परिचित चेहऱ्यांचा समावेश करण्यात आला आहे. यामध्ये सहा मंत्री पुन्हा मंत्रिमंडळात परतले आहेत — ऋषिकेश पटेल, कनुभाई देसाई, कुंवरजी बावलिया, प्रफुल्ल पानसेरिया, परशोत्तम (पुरुषोत्तम) सोलंकी आणि आणि स्वतः संघवी यांचा यात समावेश आहे.
यापैकी ऋषिकेश पटेल, कनुभाई देसाई, कुंवरजी बावलिया आणि परशोत्तम सोलंकी (राज्यमंत्री) या चार मंत्र्यांनी त्यांची पूर्वीची खाती कायम ठेवली आहेत. त्यांच्या पदांमध्ये कोणताही बदल झालेला नसल्यामुळे त्यांनी पुन्हा शपथ घेतलेली नाही.