बोनी कपूर यांनी सांगितला पंतप्रधान मोदींसोबतचा क्षण

चित्रपट निर्माते आणि प्रोड्युसर बोनी कपूर यांनी पंतप्रधान नरेंद्र मोदींसोबतचा एक संस्मरणीय क्षण सोशल मीडियावर शेअर केला. एक्स या प्लॅटफॉर्मवर त्यांनी एक व्हिडिओ पोस्ट करत त्या खास भेटीची आठवण सांगितली, ज्याने त्यांच्यावर खोल ठसा उमटवला. बोनी कपूर म्हणाले की, पंतप्रधानांचा साधासुधा इशारा—त्यांनी त्यांना नावानं हाक मारणं आणि आत्मीयतेनं अभिवादन करणं—हे मोदींच्या विनम्रतेचा व नेतृत्वगुणांचा अद्भुत संगम दर्शवतं. ते लिहितात, “#MyModiStory लखनौ येथे झालेल्या एका बैठकीदरम्यान माझी पंतप्रधान नरेंद्र मोदी यांच्याशी पहिली भेट झाली. खचाखच भरलेल्या परिषदेला संबोधित केल्यानंतर ते मंचावरून खाली उतरले व प्रेक्षकांमध्ये आले. मला आश्चर्य वाटलं की ते थेट माझ्याकडे आले, मला नावाने हाक मारली आणि इतक्या आत्मीयतेनं व आदराने अभिवादन केलं की मी फार प्रभावित झालो.”

कपूर पुढे म्हणाले, “त्या साध्यासुध्या भावामध्ये प्रचंड अर्थ दडलेला होता. एका अब्जाहून अधिक लोकसंख्या असलेल्या देशाचे नेतृत्व करणारे पंतप्रधान असूनसुद्धा त्यांनी मला वैयक्तिकरीत्या ओळखण्याचा प्रयत्न केला. त्या क्षणी मला फक्त स्वीकारलं गेलं नाही, तर खरंच ‘माझी दखल घेतली गेली’ असं जाणवलं. इतक्या मोठ्या पदावर असूनही एवढी विनम्रता दाखवणं विरळच आहे, पण पंतप्रधान मोदी हे अगदी सहज करतात.”

हेही वाचा..

यूपीची ‘विकसित यूपी ॲट २०४७’ या व्हिजनकडे वाटचाल

युट्यूबर मणी मेराजने महिला इन्फ्लुएन्सरला फसवले, आता दुसरे लग्न करण्याच्या तयारीत!

सीमेवर नेपाळहून पळालेल्या चार परदेशी कैद्यांना अटक

जर हिंदू धर्मात समानता असती तर धर्मांतर कोणी केलं असतं?

त्यांनी हेही जोडले, “माझ्यासाठी तो क्षण म्हणजे नरेंद्र मोदींचा खरा सारांश होता—जगाच्या पटलावर भारताचा अभिमान असलेला नेता, आणि तरीही लोकांशी वैयक्तिक स्तरावर जोडण्याची क्षमता असलेला. हेच त्यांच्या नेतृत्वाला असामान्य बनवतं—उंची आणि साधेपणा, ताकद आणि विनम्रता यांचं मिश्रण. पंतप्रधान मोदींच्या ७५व्या वाढदिवसानिमित्त मी प्रार्थना करतो की ते ह्याच दृढ निश्चयानं व लोकांशी घट्ट नातं ठेवून देशाचं नेतृत्व करत राहोत.” व्हिडिओमध्ये बोनी कपूर म्हणाले की, “मी मोदींना प्रथम लखनौमध्ये भेटलो होतो, जेव्हा उत्तर प्रदेशात शिखर परिषदेचं आयोजन झालं होतं. ते मंचावर होते आणि आम्ही सर्व खाली प्रेक्षागृहात बसलो होतो. कार्यक्रमानंतर ते खाली आले व काही लोकांशी भेटले. त्यावेळी त्यांनी माझं नाव घेतलं, माझ्याजवळ आले, हात मिळवला आणि शुभेच्छा दिल्या. त्यांच्या अभिवादनाचा तो उबदार अंदाज मला आजही आठवतो.”

कपूर म्हणाले, “ही गोष्ट मला खूप भावली की त्यांनी मला नावानं हाक मारली. मी स्वतःला इतका लोकप्रिय समजत नाही, पण तरीही पंतप्रधानांनी मला नावानं हाक मारली आणि भेटायला आले. आजही मला कधी कधी त्यांच्या हस्तांदोलनातील ऊब जाणवते. हे त्यांच्या खुल्या स्वभावाचं द्योतक आहे.” त्यांनी पुढे म्हटलं की, “मोदीजींनी कधीही ठरवलं नाही की कोणाला बोलवायचं आणि कोणाला नाही. त्यांनी प्रत्येक स्तरातील लोकांना आमंत्रित केलं. ही त्यांची उदारता आहे. तसेच, त्यांनी प्रत्येकाला जाणवून दिलं की त्यांच्या उपस्थितीमुळेच हा क्षण विशेष आहे. जिथे जिथे ते गेले, तिथे त्यांची उपस्थिती सदैव प्रेरणादायी ठरली.” पंतप्रधान नरेंद्र मोदी १७ सप्टेंबर रोजी मध्य प्रदेशातील धार येथे एका मोठ्या वस्त्रोद्योग पार्कचं उद्घाटन करून आपला ७५वा वाढदिवस साजरा करणार आहेत.