मराठी सिनेमा ‘बाईपण भारी देवा’ हा सिनेमा सध्या बॉक्स ऑफिसवर सुपरहिट ठरत आहे. दिग्दर्शक केदार शिंदे यांच्या ‘बाईपण भारी देवा’ या चित्रपटाला प्रेक्षकांचा भरभरुन प्रतिसाद मिळत आहे. अनेक विक्रम या सिनेमाने मोडीत काढले आहेत. मुंबई, पुणे यांसारख्या सर्वच शहरात हा चित्रपट सुपरहिट झाला आहे.
‘बाईपण भारी देवा’ या चित्रपटाने पहिल्याच आठवड्याच्या अंती ६.४५ कोटींचा गल्ला जमवला होता. त्यामुळे हा सिनेमा पहिल्याच आठवड्याअखेरीस सर्वाधिक कमाई करणारा या वर्षातला सुपरहिट मराठी चित्रपट ठरला आहे.
या चित्रपटाने पहिल्याच आठवड्याच्या अखेरीस १२.५० कोटी रुपयांची कमाई केली होती. आता या चित्रपटाने गेल्या रविवारी विक्रमी कमाई केली आहे. रविवारी तब्बल ६.६० कोटींची विक्रमी कमाई केली असून मराठी चित्रपटसृष्टीत एका दिवसात इतकी कमाई करणारा ‘बाईपण भारी देवा’ हा पहिलाच चित्रपट ठरला आहे. याआधी रितेश देशमुख आणि जिनिलिया देशमुख यांच्या ‘वेड या चित्रपटाने ५.७० कोटींची कमाई एका दिवसात केली होती. तर, त्यापूर्वी हा रेकॉर्ड सैराटच्या नावे होता.
बॉक्स ऑफिसवर हिट ठरलेल्या या चित्रपटाने दहा दिवसांमध्ये एकूण २६.१९ कोटींचा गल्ला जमवला आहे. महिलांच्या जीवनावर, त्यांच्या आयुष्यातील समस्यांवर आधारित सिनेमाचे कथानक आहे. त्यामुळे या सिनेमाला महिला वर्गाकडून भरघोस प्रतिसाद मिळत असल्याचे पाहायला मिळत आहे.
हे ही वाचा:
मनीलाँड्रिगचे आरोप असलेले साकेत गोखले तृणमूलचे राज्यसभा उमेदवार
अयोध्येतील श्रीराम मंदिराच्या कामासाठी पिंडवाराचे १००० कारागीर लागले कामाला
धक्कादायक! गोरेगावमध्ये रिक्षात महिलेवर अतिप्रसंग
राष्ट्रवादीतील बंडाळीचे खरे कारण सांगितले भुजबळांनी!
या चित्रपटाचे दिग्दर्शन केदार शिंदे यांनी केले आहे. या चित्रपटात रोहिणी हट्टंगडी, वंदना गुप्ते, सुकन्या कुलकर्णी, शिल्पा नवलकर, सुचित्रा बांदेकर आणि दीपा परब या मुख्य भूमिकेत आहेत.
