छत्तीसगडमध्ये नक्षलवाद्यांनी पेरलेला २५ किलो आयईडी सुरक्षादलाकडून नष्ट!

छत्तीसगडमधील सुरक्षा दलांच्या सतर्कतेमुळे नक्षलवाद्यांच्या नापाक योजना पुन्हा एकदा अयशस्वी झाल्या. विजापूर परिसरातील उसूर-अवपल्ली मुख्य रस्त्यावरील भात बाजाराजवळ नक्षलवाद्यांनी २५ किलो आयईडी पेरला होता. बीडीएस सैनिकांनी हा आयईडी शोधून काढला आणि नंतर तो नष्ट केला.

पोलिसांनी दिलेल्या माहितीनुसार, आयईडी रस्त्याच्या मधोमध एका प्लास्टिकच्या डब्यात ठेवण्यात आला होता. सैनिकांनी याचा शोध घेत तो नष्ट केला. याच दरम्यान, शनिवारी (१ फेब्रुवारी) बिजापूरच्या गंगलूर पोलीस स्टेशन हद्दीतील तोडका-कोरचोली गावातील जंगलात झालेल्या चकमकीत सुरक्षा दलांनी आठ माओवाद्यांना ठार केले.

चकमकीच्या ठिकाणाहून INSAS रायफल्स आणि BGL (बॅरल ग्रेनेड लाँचर्स) यासह इतर शस्त्रांचा साठाही जप्त करण्यात आला. शुक्रवारीच, पोलिसांना माहिती मिळाली होती की गंगलूर पोलिस स्टेशन हद्दीतील तोडका-कोरचोली गावातील जंगलात माओवाद्यांच्या पश्चिम बस्तर विभागाचे विभागीय समिती सदस्य दिनेश यांच्यासह सशस्त्र माओवादी उपस्थित आहेत.

हे ही वाचा : 

‘गेल्या दोन महिन्यांतील अखिलेश यादव यांचे ट्विट बघा, महाकुंभला फक्त विरोध दिसेल’

मुस्लिम टोळीकडून हिंदूंच्या नावाचा वापर, मुलींना फसवून वेश्या व्यवसायात ढकलण्याचे काम 

गडचिरोली: नक्षलवाद्यांकडून माजी सभापतींची हत्या!

मालेगाव: बांगलादेशी/रोहींग्या जन्म प्रमाणपत्र घोटाळा, तिघांना अटक!

माहिती मिळताच, जिल्हा राखीव रक्षक (DRG), STF आणि केंद्रीय राखीव पोलिस दलाच्या कोब्रा बटालियनच्या तुकड्या माओवादविरोधी कारवाईसाठी रवाना करण्यात आल्या. कारवाई दरम्यान सुरक्षा दल आणि नक्षलवाद्यांमध्ये चकमक सुरु झाली. चकमकीमध्ये आठ नक्षलवाद्यांना ठार करण्यात सुरक्षा दलाला यश मिळाले. या चकमकीत डीआरजीचे दोन जवान किरकोळ जखमी झाले.