बांगलादेशात डेंग्यूचा प्रकोप वेगाने वाढत आहे. या पार्श्वभूमीवर आरोग्य तज्ज्ञांनी इशारा दिला आहे की, जर वेळेत आणि प्रभावी पावले उचलली गेली नाहीत, तर हे संकट संपूर्ण देशभर पसरू शकते. तज्ज्ञांचे म्हणणे आहे की, मुहम्मद युनूस यांच्या नेतृत्वाखालील अंतरिम सरकारने डेंग्यू पसरवणाऱ्या एडिस डासांवर नियंत्रण मिळवण्यासाठी घेतलेली पावले अपुरी आहेत. स्थानिक माध्यमांच्या वृत्तानुसार, तज्ज्ञांनी स्पष्ट इशारा दिला आहे की जर तातडीने आणि योग्य पद्धतीने उपाययोजना केल्या नाहीत, तर डेंग्यूचा प्रादुर्भाव बांगलादेशातील सर्व ६४ जिल्ह्यांमध्ये पसरू शकतो.
बांगलादेश आरोग्य सेवा महासंचालनालयाच्या (DGHS) माहितीनुसार, रविवारी सकाळपर्यंतच्या २४ तासांत डेंग्यूमुळे आणखी एका व्यक्तीचा मृत्यू झाला. यासह या वर्षी डेंग्यूने मृत्युमुखी पडलेल्या एकूण लोकांची संख्या ५६ झाली आहे. याच काळात ४२० नवीन रुग्ण डेंग्यू सदृश तापाने रुग्णालयात दाखल झाले असून, देशभरातील एकूण डेंग्यू रुग्णांची संख्या १४,८८० वर पोहोचली आहे.
हेही वाचा..
शुभांशू शुक्ला २१ तास प्रवास करून पृथ्वीवर अवतरणार!
नूहमध्ये जलाभिषेक यात्रेसाठी कडेकोट बंदोबस्त!
देशातील ८ कंपन्यांचे मार्केट कॅप २.०७ लाख कोटींनी घसरले, टीसीएसला सर्वाधिक नुकसान
FIDE Women Worldcup: दिव्या आणि हम्पी प्री-क्वार्टरफायनलमध्ये पोहोचल्या
नवीन रुग्णांमध्ये बरीशाल विभागात ११६, चटगाव विभागात (शहराबाहेर) ७९, ढाका विभागात (महानगर क्षेत्राबाहेर) ६०, ढाका दक्षिण सिटी कॉर्पोरेशनमध्ये ५७ आणि ढाका उत्तर सिटी कॉर्पोरेशनमध्ये २५ रुग्णांचा समावेश आहे. कीटकशास्त्रज्ञ कबीरुल बशार यांनी अंतरिम सरकारला आवाहन केले की फक्त फॉगिंगवर अवलंबून राहणे हा योग्य मार्ग नाही. त्याऐवजी मच्छरांच्या प्रजननस्थळांचा शोध घेऊन ती त्वरित नष्ट करणे आवश्यक आहे.
‘द डेली स्टार’ या बांगलादेशातील नामांकित वृत्तपत्राशी बोलताना, बशार म्हणाले, “फॉगिंग फक्त त्याच ठिकाणी करावी जिथे डेंग्यूचे पुष्टी झालेल्या घटना आहेत. प्रत्येक ठिकाणी फॉगिंग केल्याने फारसा उपयोग होत नाही, पण तरीही सरकार यालाच मुख्य उपाय मानते आहे. ते पुढे म्हणाले की, “जर नागरिकांनी त्यांच्या घराच्या आत आणि आजूबाजूच्या परिसरात मच्छरांच्या उत्पत्तीच्या जागा स्वच्छ केल्या नाहीत, तर डेंग्यूवर नियंत्रण मिळवणे फार कठीण होईल.” त्यांनी हेही ठासून सांगितले की जनजागृती आणि समाजातील प्रत्येक व्यक्तीची सक्रिय भागीदारी आवश्यक आहे.
बशार यांनी स्पष्ट केले की आता डेंग्यूचा धोका प्रत्येक जिल्ह्यात अधिकच गंभीर झाला आहे, कारण डेंग्यू पसरवणारा एडिस मच्छर आता संपूर्ण देशात आढळून येतो. सार्वजनिक आरोग्य तज्ज्ञ, डॉक्टर आणि कीटकशास्त्रज्ञ यांचे एकमत आहे की, डेंग्यूला रोखण्यासाठी लागणाऱ्या उपाययोजना सातत्याने केल्या जात नाहीत. याशिवाय, आरोग्य व्यवस्थेमध्ये आवश्यक ते बदल झालेले नाहीत आणि ना डेंग्यूवर नियंत्रण मिळवण्यासाठी ना त्याच्या उपचारासाठी कोणती ठोस योजना आखण्यात आलेली आहे. त्यामुळे शहरे आणि ग्रामीण भाग दोन्ही ठिकाणी लोक सहज डेंग्यूच्या विळख्यात सापडत आहेत.
