अभिनेता रणवीर सिंग याची मुख्य भूमिका असलेला आणि आदित्य धर याने दिग्दर्शित केलेला ‘धुरंधर: द रिव्हेंज’ने बॉक्स ऑफिसवर आपला जलवा दाखवला आहे. विक्रमी ओपनिंग वीकेंडनंतर, आठवड्याच्या दिवसांमध्येही चित्रपटाने आपली विजयी घोडदौड कायम ठेवत प्रेक्षकांच्या मनात घर केले आहे. देशांतर्गत तसेच जागतिक स्तरावर चित्रपटाने बॉक्स ऑफिसवरील दमदार कमाई केली आहे.
सॅकनिल्कनुसार, आदित्य धर दिग्दर्शित या चित्रपटाने सोमवारी ६५ कोटी रुपयांची कमाई केली आहे. चित्रपटाची भारतातील पाच दिवसांची निव्वळ कमाई आता ५१९.१२ कोटी रुपयांवर पोहोचली आहे, तर जगभरात या चित्रपटाने आधीच ८०० कोटी रुपयांचा टप्पा ओलांडला आहे. विशेष म्हणजे एका हिंदी चित्रपटासाठी हा एक प्रचंड मोठा आकडा आहे.
‘धुरंधर २’ च्या बॉक्स ऑफिस कलेक्शनचा तपशील
- दिवस ० (बुधवार): ४३ कोटी रुपये
- गुरुवार: १०२.५५ कोटी रुपये
- शुक्रवार: ८०.७२ कोटी रुपये
- शनिवार: ११३ कोटी रुपये
- रविवार: ११४.८५ कोटी रुपये
- सोमवार: ६५ कोटी रुपये
एकूण: ५१९.१२ कोटी रुपये
यामुळे चित्रपटाची भारतातील पाच दिवसांची एकूण कमाई ६१९.७६ कोटी रुपयांवर पोहोचली आहे, तर जगभरातील एकूण कमाई तब्बल ८२९.७६ कोटी रुपयांवर पोहोचली आहे. विशेष म्हणजे, जरी ‘पुष्पा २: द रूल’ संपूर्ण भारतातील कमाईमध्ये अजूनही आघाडीवर असला तरी, ‘धुरंधर: द रिव्हेंज’ने हिंदी आवृत्तीमध्ये पहिल्या आठवड्याच्या कमाईच्या बाबतीत त्याला मागे टाकले आहे.
हे ही वाचा:
“इराणवर हल्ला करण्याची कल्पना…” ट्रम्प यांनी कोणाकडे दाखवले बोट?
दोन भारतीय एलपीजी जहाजांना होर्मुझ सामुद्रधुनी ओलांडण्याची परवानगी
वित्त विधेयकासह, कॉर्पोरेट कायदा (दुरुस्ती) विधेयक लोकसभेत सादर
‘इराणने इस्रायलच्या नागरिकांच्या सामुहिक हत्येचा प्रयत्न केला’
पहिल्या आठवड्यातील हिंदीमधील टॉप पाच
- धुरंधर द रिव्हेंज: ४३० कोटी रुपये (चार दिवसांत)
- पुष्पा २ द रूल: ४२५.१० कोटी रुपये
- पठाण: ३५१ कोटी रुपये
- जवान: ३४६.९८ कोटी रुपये
- स्त्री २: २९१.६५ कोटी रुपये
‘धुरंधर: द रिव्हेंज’ या चित्रपटात रणवीर सिंगने पाकिस्तानच्या गुन्हेगारी- दहशतवादी नेटवर्कमध्ये घुसखोरी करणाऱ्या एका भारतीय गुप्तहेराची भूमिका साकारली आहे. या चित्रपटात आर. माधवन, संजय दत्त, अर्जुन रामपाल, राकेश बेदी, दानिश पंडोर, सारा अर्जुन आणि गौरव गेरा यांच्यासह इतर कलाकारही आहेत. याचे लेखन, दिग्दर्शन आणि निर्मिती आदित्य धर यांनी केले आहे.
