मुंबई महानगरपालिकेने मुंबई शहरातील तबेल्यांना बाहेर काढण्यासाठी नोटीसा जारी केल्या आहेत. या तबेल्यांसाठी महापालिकेकडून पालघरच्या दापचेरीमध्ये जागेची व्यवस्था करण्यात येत आहे. मात्र, यावर तबेला मालकांनी तेथे जाण्यास नकार दिला असून आरे कॉलनीमध्येच स्थलांतर करण्याची मागणी केली आहे. दरम्यान, महाराष्ट्र काँग्रेस कमिटीचे सरचिटणीस आणि माजी उपमहापौर राजेश शर्मा यांनी देखील याबाबत मुख्यमंत्री एकनाथ शिंदे यांना पत्र लिहून शहरातील तबेले (गुरांचे गोठे) आरे कॉलनी, मुंबई येथे स्थलांतरित करण्याची विनंती केली आहे.
राजेश शर्मा यांनी पत्रात लिहिले की, २६ जुलै २००५ रोजी आलेल्या पुरानंतर संपूर्ण शहरात शेकडो गायी आणि म्हशी बुडाल्या होत्या. ज्यामुळे, तबेले (गुरांचे गोठे) स्थलांतरित करण्याच्या उपक्रमाला गती मिळाली होती. याला उत्तर म्हणून, राज्य सरकारने महाराष्ट्र पाळणे आणि नागरी क्षेत्रे (नियंत्रण) अधिनियम, १९७६ मध्ये सुधारणा करून अधिसूचना जारी केली होती.
ते पुढे म्हणाले, मुंबई शहरात १८४० च्या आसपास लोकांकडे तबेले आहेत. आज मुंबईतील वांद्रे, सांताक्रूझ पूर्व, खार, अंधेरी पश्चिम, अंधेरी पूर्व, कांदिवली पूर्व, घाटकोपर, कुर्ला, गोवंडी, चेंबूर, मुलुंड या भागात सुमारे १०,००० गायी आणि म्हशी आहेत आणि त्यांना डापचेरी, पालघर येथे स्थलांतरित केल्यास त्यांचा व्यवसाय पूर्णपणे खराब होईल.
हे ही वाचा :
संग्रहालयातून १५ कोटींच्या वस्तू चोरल्या; पण चोर २५ फूट भिंतीवरून कोसळला!
संख्याबळाच्या आधारेच मुख्यमंत्री ठरणार!
सहा दिवसांमध्येचं पॅरिस पॅरालिम्पिकमध्ये भारताच्या खात्यात २० पदके!
…तर छत्रपतींचा पुतळा पडला नसता !
आरे कॉलनी, मुंबई येथे २१०० एकर जमीन देण्यात आली होती, त्यापैकी फक्त ३०० एकर जमीन वापरात आहे आणि मुंबई शहरातून १०,००० गाई-म्हशी स्थलांतरित करण्यासाठी फक्त ३० एकर अतिरिक्त जमीन लागेल. आणि म्हणून मी तुम्हाला नम्रपणे विनंती करतो की आपण शहरातील तबेले (गुरांचे गोठे) आरे कॉलनी मुंबई येथे स्थलांतरित करा जिथे ते त्यांच्या व्यवसाय आणि उपजीविकेचे कमीत कमी नुकसान करून त्यांचे गोठ्याचे स्थलांतर करू शकतील, असे राजेश शर्मा म्हणाले.
