दिल्ली-एनसीआरमध्ये दोन दिवसांत दुसऱ्यांदा भूकंपाचे धक्के!

राष्ट्रीय भूकंपशास्त्र केंद्र (एनसीएस) नुसार, शुक्रवारी संध्याकाळी ७.४९ वाजता हरियाणाच्या झज्जर येथे ३.७ तीव्रतेचा भूकंप झाला. हा भूकंप १० किलोमीटर खोलीवर झाला. तथापि, भूकंपाची तीव्रता कमी असल्याने लोकांना त्याचे धक्के फार कमी जाणवले. सध्या जीवित किंवा वित्तहानी झाल्याचे कोणतेही वृत्त नाही.

हे ही वाचा : 

एक दिवस आधी, गुरुवारी सकाळी ९.०४ वाजता याच भागात ४.४ तीव्रतेचा भूकंप झाला होता. या भूकंपाची तीव्रता रिश्टर स्केलवर ४.४ होती. राष्ट्रीय भूकंपशास्त्र केंद्राच्या मते, भूकंपाचे केंद्र झज्जरच्या ईशान्येस तीन किलोमीटर आणि दिल्लीच्या पश्चिमेस ५१ किलोमीटर अंतरावर जमिनीखाली १० किलोमीटर खोलीवर होते.

झज्जर व्यतिरिक्त, शेजारच्या रोहतक आणि गुरुग्राम जिल्ह्यांसह, पानिपत, हिसार आणि मेरठ येथेही भूकंपाचे धक्के जाणवले. दिल्लीत भूकंपाचे धक्के जाणवताच घबराट पसरली आणि लोक घराबाहेर पडले आणि मोकळ्या जागी जमा झाले.