१९८४ शीख दंगलीतील दोषी माजी काँग्रेस खासदार सज्जन कुमार यांचे निधन

१९८४ मधील शीखविरोधी दंगलीप्रकरणी जन्मठेपेची शिक्षा भोगत असलेले माजी काँग्रेस खासदार सज्जन कुमार यांचे गुरुवारी (२० ऑगस्ट) निधन झाले. ते ८० वर्षांचे होते. तिहार तुरुंगात शिक्षा भोगत असताना प्रकृती बिघडल्याने त्यांना दिल्लीतील सफदरजंग रुग्णालयात दाखल करण्यात आले होते. मात्र, डॉक्टरांनी त्यांना मृत घोषित केले. त्यांच्या मृत्यूचे नेमके कारण अद्याप स्पष्ट करण्यात आलेले नाही.

सज्जन कुमार हे दिल्लीतील काँग्रेसचे प्रमुख नेत्यांपैकी एक होते. त्यांनी १९७७ मध्ये दिल्ली महानगरपालिकेची निवडणूक जिंकून राजकारणात प्रवेश केला. त्यानंतर ते दिल्ली काँग्रेसचे सरचिटणीस झाले. १९८० मध्ये त्यांनी बाह्य दिल्ली लोकसभा मतदारसंघातून काँग्रेसच्या तिकिटावर विजय मिळवला. १९९१ आणि २००४ मध्येही ते लोकसभेवर निवडून आले. मात्र, ३१ ऑक्टोबर १९८४ रोजी तत्कालीन पंतप्रधान इंदिरा गांधी यांच्या हत्येनंतर उसळलेल्या शीखविरोधी दंगलींमधील भूमिकेमुळे त्यांच्या राजकीय कारकिर्दीवर गंभीर आरोप झाले.

हे ही वाचा:

शहजाद भट्टी नेटवर्कवर प्रहार; ५२ आरोपी गजाआड

कांदिवलीत बनावट दागिन्यांच्या युनिटवर छापा; १३ बाल कामगारांची सुटका

काँग्रेसचे तुष्टीकरणाचं राजकारण आता चालणार नाही!

चिनाब ब्रिजवर वंदे भारत सुसाट; गाठला १०० किमी प्रतितासाचा वेग!

दिल्ली उच्च न्यायालयाने डिसेंबर २०१८ मध्ये पाच शीखांच्या हत्या आणि गुरुद्वारा जाळल्याच्या प्रकरणात कुमार यांना दोषी ठरवत जन्मठेपेची शिक्षा सुनावली होती. त्यानंतर त्यांनी काँग्रेसच्या प्राथमिक सदस्यत्वाचा राजीनामा दिला. या प्रकरणातील कायदेशीर कारवाई येथेच थांबली नाही. फेब्रुवारी २०२५ मध्ये दिल्लीतील न्यायालयाने आणखी एका १९८४ दंगल प्रकरणात दोन शीख व्यक्तींच्या हत्येसाठी सज्जन कुमार यांना दोषी ठरवत पुन्हा जन्मठेपेची शिक्षा सुनावली. या प्रकरणात १४ साक्षीदारांनी त्यांच्याविरोधात साक्ष दिली होती.