सध्या सोशल मीडियावर ‘धुरंधर’मधील ‘मेरा बच्चा है तू’ हा डायलॉग प्रचंड ट्रेंड होत आहे. हा संवाद अभिनेता राकेश बेदी यांनी साकारलेल्या जमील जमाली या पात्राशी संबंधित असून, त्याच्या खास अंदाज आणि विनोदी शैलीमुळे प्रेक्षकांच्या मनात वेगळी ओळख निर्माण झाली आहे. आता हेच पात्र आणि त्याचा संवाद सरकारच्या अनेक विभागांच्या जनजागृती मोहिमांचा भाग बनले आहेत.
राकेश बेदी यांनी आपल्या उत्कृष्ट कॉमिक टाइमिंग, सहज अभिनय आणि संवादफेकीमुळे जमील जमाली या पात्राला जिवंतपणा दिला आहे. त्यामुळे जमील जमाली हे आता केवळ एक पात्र न राहता एक ट्रेंड बनले आहे, जो सर्व वयोगटातील लोकांना आवडत आहे. या संवादाच्या लोकप्रियतेचा अंदाज यावरून येतो की अनेक सरकारी संस्था याचा आपल्या पद्धतीने वापर करत आहेत.
दिल्ली पोलिसांनी रस्ते सुरक्षा आणि वाहतूक जनजागृतीसाठी या ट्रेंडचा वापर केला. सोशल मीडिया प्लॅटफॉर्म एक्सवर हेल्मेट घालण्याचे आवाहन करत त्यांनी लिहिले, ‘ये ले हेलमेट पहन, मेरा बच्चा है तू। हेलमेट पहनेगा तभी सयाना बनेगा.’ अशा प्रकारचे सर्जनशील संदेश लोकांना नियम पाळण्यासाठी प्रेरित करत आहेत. राजस्थान पर्यटन विभागानेही या ट्रेंडचा वापर करून आपल्या आदरातिथ्याची झलक दाखवली. पोस्टद्वारे राजस्थानची संस्कृती आणि खाद्यपदार्थ मजेशीर पद्धतीने सादर करण्यात आले. त्यांनी राजस्थानी थाळीसोबत संदेश दिला, ‘मेहमान हैं आप… और मेहमाननवाजी हमारी पहचान.’
त्याचप्रमाणे उत्तर प्रदेश पर्यटन विभागानेही पर्यटकांना आकर्षित करण्यासाठी ‘मेरा बच्चा है तू’ ट्रेंडचा वापर केला. हलक्या-फुलक्या शैलीत त्यांनी पर्यटनाला चालना देण्याचा प्रयत्न केला. त्यांनी आपल्या अॅपच्या प्रचारासाठी लिहिले, ‘यदि आप अभी भी यह सोच रहे हैं कि उत्तर प्रदेश की यात्रा कहां से शुरू करें, तो टेंशन न ले, बच्चा है तू मेरा यूपी टूरिज्म ऐप डाउनलोड कर और एक क्लिक में पूरे राज्य की जानकारी प्राप्त कर.’
हे ही वाचा:
प. बंगालच्या बसीरहाटमधील मतदान यादीतून बीएलओसह ३४० मुस्लिम मतदारांना वगळले
भारताची एलपीजीची गरज भागवण्यासाठी दक्षिण अमेरिकन देशाकडून मदतीचा हात
भारत आमचा मित्र, त्यांना सामुद्रधुनी खुली!
रसेल गेला… ग्रीन आला, पण ‘पावर’ कुठे?
याशिवाय, भारतीय अन्न सुरक्षा आणि मानक प्राधिकरण (एफएसएसएआय) नेही अन्न सुरक्षेबाबत जनजागृती करण्यासाठी या ट्रेंडचा वापर केला. त्यांनी ‘धुरंधर’ बनून अन्नातील भेसळ ओळखण्याचा सल्ला दिला आणि ‘डार्टबुक’च्या माध्यमातून सोप्या तपास पद्धतींची माहिती दिली. एफएसएसएआयने लिहिले, ‘बच्चा है तू मेरा खाद्य असली और नकली की पहचान करना सीख ले.’
