२००१ मध्ये भारतीय संसदेवर झालेल्या दहशतवादी हल्ल्यात आणि २६/११ च्या मुंबई हल्ल्यात महत्त्वाची भूमिका बजावणारा कुख्यात दहशतवादी अब्दुल अजीजचा रुग्णालयात वेदनेने मृत्यू झाला. भारताच्या ऑपरेशन सिंदूर दरम्यान ६-७ मे रोजी रात्री झालेल्या क्षेपणास्त्र हल्ल्यात तो जखमी झाला होता. रुग्णालयात दाखल असताना अब्दुल अजीजच्या वेदनेचे आणि त्याच्या मृत्यूनंतर त्याच्या अंत्यसंस्कारात अश्रू ढाळणाऱ्या इतर दहशतवाद्यांचे फोटो आणि व्हिडिओ सोशल मिडीयावर समोर आले आहेत.
अब्दुल अजीज हा पाकिस्तानी दहशतवादी संघटना लष्कर-ए-तैयबाचा टॉप फंडिंग ऑपरेटिव्ह आणि स्ट्रॅटेजिक मॉड्यूल ऑपरेटर होता. भारताच्या ऑपरेशन सिंदूरमध्ये जखमी झाल्यानंतर तो अखेर वेदनादायक आणि अनामिक मृत्यू पावला. काही दिवसांपूर्वी रुग्णालयात उपचारादरम्यान त्याचा मृत्यू झाला. आता त्याच्या अंत्यसंस्काराचे दृश्य सोशल मीडियावर समोर आले आहेत. लष्कर-ए-तैयबाचा उपप्रमुख सैफुल्लाह कसुरी, अब्दुल रौफ आणि संघटनेचे इतर प्रमुख सदस्य त्याच्या अंत्यसंस्कारात अश्रू ढाळताना दिसत आहेत.
अब्दुल अजीज हा लष्कर-ए-तोयबाचा जुना आणि विश्वासू सदस्य होता. तो केवळ दहशतवादी नव्हता तर संघटनेचा मुख्य आर्थिक संचालक आणि निधी संकलन करणारा एजंट होता. असे म्हटले जाते की तो आखाती देश, ब्रिटन आणि अमेरिकेत स्थायिक झालेल्या पाकिस्तानी आणि कट्टरपंथी इस्लामिक गटांकडून देणग्या गोळा करून लष्कर-ए-तैयबाला पाठवत असे. याशिवाय, तो रसद, शस्त्रे आणि दहशतवादी कारवायांसाठी भरतीसाठी देखील जबाबदार होता.
हे ही वाचा :
जिंदाल स्टील अँड पॉवरचे नाव बदलून जिंदाल स्टील
चीनने अमेरिकन सरकारी कर्मचाऱ्याला देश सोडण्यापासून रोखले
हरमनप्रीत कौरने शब्दांनी नव्हे तर शतकाने दिले उत्तर
आजपासून इंदूर-मुंबई दरम्यान सुरू होणार सुपरफास्ट तेजस एक्सप्रेस
अब्दुल अजीजवर भारतातील अनेक दहशतवादी हल्ल्यांमध्ये सहभागी असल्याचा आरोप आहे. तो थेट ऑपरेशन प्लॅनिंगमध्ये सहभागी नव्हता परंतु निधी आणि रसद याद्वारे दहशतवादी हल्ले शक्य केले. गुप्तचर अहवालांनुसार, अब्दुल अजीजने २००१ च्या संसद हल्ल्यासाठी पाकिस्तानमधून निधी आणि उपकरणे आणण्यास मदत केली.
याशिवाय, २००६ च्या मुंबई लोकल ट्रेन बॉम्बस्फोट प्रकरणात निधी देण्याशी अझीझची भूमिका संबंधित असल्याचे मानले जात होते. त्यानंतर, २००८ च्या मुंबई हल्ल्यात या दहशतवाद्यावर समुद्री मार्गाने शस्त्रे आणि सॅटेलाइट फोनचा पुरवठा सुनिश्चित केल्याचा आरोप होता. इतकेच नाही तर तो जम्मू आणि काश्मीरमधील स्थानिक मॉड्यूलना आर्थिक मदत करत असे आणि कट्टरपंथी तरुणांची भरती करण्यातही त्याने महत्त्वाची भूमिका बजावली आहे. गुप्तचर सूत्रांनुसार, मरकझवर भारताच्या क्षेपणास्त्र हल्ल्यात अब्दुल अजीज जखमी झाला होता. अखेर त्याचा मृत्यू झाला.
🚨 Funeral visuals of Lashkar terrorist & fund collector Abdul Aziz emerge.
Admitted to hospital after illness spent final days in agony and died a miserable death.
Seen attending: LET deputy chief Saifullah Kasuri, Abdur Rauf, and other top terrorists.
👉 No jihad, no glory,… pic.twitter.com/B7u8meT2QQ
— OsintTV 📺 (@OsintTV) July 22, 2025
