त्वचेची काळजी घेण्यासाठी काही जण बाजारात मिळणाऱ्या महागड्या स्किन केअर उत्पादनांचा वापर करतात, तर काही अजूनही घरगुती उपायांनाच उत्तम मानतात. आपल्या आजी-आजोबांच्या काळापासून आजपर्यंत स्वयंपाकघरातील अनेक वस्तू सौंदर्य वाढवण्यासाठी उपयोगी ठरत आल्या आहेत. त्यापैकीच एक म्हणजे ‘तांदळाचे पीठ’. आयुर्वेदात तांदळाला त्वचेच्या पोषणासाठी उपयुक्त मानले गेले आहे. आधुनिक विज्ञानही याला मान्यता देते.
अमेरिकन नॅशनल लायब्ररी ऑफ मेडिसिननुसार, तांदळामध्ये असलेले अलॅन्टोइन, फेरुलिक अॅसिड, व्हिटॅमिन बी आणि अँटीऑक्सिडंट्स त्वचेसाठी अनेक प्रकारे फायदेशीर ठरतात. तांदळाच्या पिठापासून बनवलेले फेस पॅक, स्क्रब आणि क्लींजर त्वचेला एक्सफोलिएट करतात, म्हणजे मृत त्वचेची थर काढून टाकतात आणि नव्या पेशींना श्वास घेण्याची संधी देतात. या प्रक्रियेमुळे त्वचेवर नैसर्गिक उजाळा येतो. तांदळाच्या पिठातील स्टार्च त्वचेला थंडावा देतो, ज्यामुळे लालसरपणा, जळजळ किंवा सूज अशा समस्या कमी होतात.
हेही वाचा..
जीएसटी २.० केवळ सुधार नाही, तर नवी क्रांती
कोंडीतून गाडी काढता आली नाही म्हणून काँग्रेस माजी मंत्र्याकडून जातिवाचक शिवी!
शस्त्र-ड्रग्ज तस्करी टोळीतील तिघांना अटक
तांदळाच्या पिठातील खनिजे आणि जीवनसत्त्वे त्वचेची दुरुस्ती करण्याचे काम करतात. परंतु, प्रत्येक चांगल्या गोष्टीबरोबर काही काळजी घेणेही आवश्यक असते. तांदळाचे पीठ नैसर्गिक घटक असले तरी चुकीच्या पद्धतीने किंवा जास्त प्रमाणात वापरल्यास ते फायदेशीर ठरण्याऐवजी हानिकारक होऊ शकते. जर तुमची त्वचा कोरडी असेल आणि तुम्ही वारंवार तांदळाचे पीठ लावत असाल, तर त्वचेतील नैसर्गिक ओलावा कमी होऊ शकतो. कारण तांदळाचे पीठ हे नैसर्गिक एक्सफोलिएटर असल्याने त्वचेचा वरचा थर काढून टाकते आणि त्यामुळे त्वचा कोरडी होऊन ताणल्यासारखी वाटू शकते.
काही लोकांची त्वचा अतिसंवेदनशील असते. अशा त्वचेवर तांदळाचे पीठ थेट लावल्यास जळजळ, खाज किंवा पुरळ होऊ शकते. त्यामुळे अशा वेळी आधी पॅच टेस्ट करणे आवश्यक आहे, जेणेकरून अॅलर्जिक रिअॅक्शनपासून वाचता येईल. याशिवाय, तांदळाचे पीठ लावल्यानंतर चेहरा नीट धुतला गेला नाही, तर ते पोर्स ब्लॉक करू शकते. यामुळे पिंपल्स, ब्लॅकहेड्स आणि व्हाइटहेड्स यांसारख्या समस्या सुरू होऊ शकतात.
