ग्लोबल पीसी शिपमेंट ६३ दशलक्ष युनिटवर

२०२५ या कॅलेंडर वर्षाच्या दुसऱ्या तिमाहीत संपूर्ण जगभरात पीसी शिपमेंट ६३ दशलक्ष युनिटच्या वर पोहोचले असून, यामध्ये वर्षभराच्या तुलनेत ४ टक्क्यांहून अधिक वाढ झाली आहे. ही माहिती मंगळवारी प्रसिद्ध झालेल्या एका अहवालातून समोर आली. गार्टनरच्या प्राथमिक अहवालानुसार, जून तिमाहीत पीसी उत्पादकांनी एकूण ६३.२२५ दशलक्ष युनिट्स वितरित केले, जे २०२४ च्या दुसऱ्या तिमाहीत ६०.५४१ दशलक्ष युनिट्स होते. म्हणजेच ४.४ टक्के वाढ नोंदवण्यात आली.

गार्टनरचे रिसर्च प्रमुख ऋषि पाधी म्हणाले, २०२५ च्या दुसऱ्या तिमाहीत, एंटरप्राइझ (व्यावसायिक) मागणीने ग्राहकांच्या मागणीला मागे टाकले. यामागे Windows ११ मध्ये स्थलांतर आणि कोविड काळातील डेस्कटॉप्सच्या नूतनीकरणाचा प्रभाव होता, तर सामान्य ग्राहकांकडून खरेदी पुढे ढकलली जात असल्याने ग्राहक रिफ्रेश गती मंदावली. जागतिक शिपमेंटमध्ये लेनोवो आघाडीवर असून त्याचा बाजारातील हिस्सा २६.९ टक्के आहे. त्यानंतर HP Inc. – २२.३%, Dell – १५.६%, आणि Apple – ९% आहेत.

हेही वाचा..

नक्षलवाद्यांकडून दोघांची हत्या

निवडणुकीवेळीच काँग्रेसला आठवतात मागासवर्गीय

भारताच्या सरासरी महागाई दरात ३ टक्क्यांची घट

वयाच्या ११४व्या वर्षी फौजा सिंह यांचे अपघाती निधन

अहवालानुसार, २०२५ च्या दुसऱ्या तिमाहीत जागतिक पातळीवरील टॉप-५ पीसी विक्रेत्यांच्या क्रमवारीत फारसा बदल झाला नाही. मात्र लेनोवोने वर्षभरात १३.९ टक्के शिपमेंट वाढ नोंदवली, जी टॉप-५ पैकी सर्वाधिक आहे. Dell वगळता इतर सर्व प्रमुख उत्पादकांनी आपल्या शिपमेंटमध्ये ३% ते १३% वाढ नोंदवली. Dell च्या शिपमेंटमध्ये मात्र घसरण झाली —२०२४ च्या दुसऱ्या तिमाहीतील 10.140 दशलक्ष युनिट्स वरून ते ९.८३२ दशलक्ष युनिट्सवर आले.

लेनोवो – १७.०३८ दशलक्ष युनिट्स, HP – १४.१२४ दशलक्ष युनिट्स, Dell – ९.८३२ दशलक्ष युनिट्स, Apple – ५.६९९ दशलक्ष युनिट्स. दरम्यान, २०२५ मध्ये एकूण पीसी शिपमेंटमध्ये २ टक्क्यांपेक्षा अधिक वाढ होण्याची शक्यता आहे. ऋषि पाधी म्हणाले, २०२५ मध्ये पीसी शिपमेंटमध्ये २.४ टक्क्यांची वाढ अपेक्षित आहे. अमेरिकेत टॅरिफमुळे पहिल्या सहामाहीत इन्व्हेंटरी वाढ झाली असून, इतर देशांमध्ये Windows ११ च्या रिप्लेसमेंट सायकलमुळे ही वाढ होईल. ते पुढे म्हणाले की, २०२५ च्या दुसऱ्या सहामाहीत शिपमेंट वाढ स्थिर राहण्याची शक्यता आहे, कारण विक्रेते मागणीनुसार स्टॉक कमी करत आहेत, ज्यामुळे वर्षअखेरीस अतिरिक्त इन्व्हेंटरी तयार होण्याची शक्यता आहे.