27 C
Mumbai
Sunday, July 21, 2024
घरविशेषव्हॉट्सअप स्टेटसवर गोहत्येचे छायाचित्र लावल्यानंतर संतप्त हिंदूंची निदर्शने!

व्हॉट्सअप स्टेटसवर गोहत्येचे छायाचित्र लावल्यानंतर संतप्त हिंदूंची निदर्शने!

हिमाचल प्रदेशमधील घटना

Google News Follow

Related

हिमाचल प्रदेशातील सिमौर जिल्ह्यात, जावेद नावाच्या एका मुस्लिम तरुणाने बकरी ईद (१७ जून) रोजी गाईची कथित हत्या केल्याने संताप उसळला आहे. हिंदू हक्क संघटनांनी आरोप केला आहे की, नाहानमध्ये कपड्यांचे दुकान चालवणाऱ्या जावेदने गाईची कत्तल केली आणि नंतर त्याचे छायाचित्र त्याच्या व्हॉट्सॲप स्टेटसवर टाकले. या घटनेनंतर हिंदू संघटनांनी जावेदच्या दुकानाबाहेर निदर्शने केली. हा मुस्लिम तरुण सध्या फरार आहे.

मूळचा उत्तर प्रदेशातील सहारनपूरचा असलेला जावेद गेल्या दीड वर्षांपासून हिमाचल प्रदेशातील नाहान येथे तयार कपड्यांचे दुकान चालवत आहे. बकरी ईदच्या दिवशी, जावेदने त्याच्या व्हॉट्सॲप स्टेटसवर प्राण्यांच्या बळी देतानाची छायाचित्रे शेअर केली. या छायाचित्रात तो पार्श्वभूमीवर इतर लोकांसह हसत हसत आणि कत्तल केलेल्या प्राण्याजवळ चाकू घेऊन उभा आहे.

हिंदू अधिकार संघटनांनी आरोप केला आहे की, जावेदने एका गाईची कत्तल केली आणि त्याचे छायाचित्र त्याच्या व्हॉट्सॲपवर शेअर केले. नाहान येथील जावेदच्या कपड्यांच्या दुकानात आल्यावर हिंदू गटांनी निषेध केला आणि कारवाईची मागणी केली. शिवाय, त्यांनी जावेदला पुन्हा कधीही नाहानमध्ये काम करण्याची परवानगी देऊ नये, असे सांगितले. या रॅलीत काही सहभागी हिंसक झाल्याच्या अफवा आहेत. नाहानमध्ये हिंदू संघटनांनी रॅलीचेही नियोजन केले आहे.

हे ही वाचा..

दिल्लीत ४८ तासांत उष्णतेमुळे ५० बेघर लोकांचा मृत्यू

मक्कामध्ये उष्णतेची तीव्र लाट; भारतातील ९० यात्रेकरूंचा मृत्यू!

६७ वर्षांचा वृद्ध होऊन कॅनडाला जात होता २४ वर्षांचा तरुण!

तामिळनाडूत विषारी दारू प्यायल्याने २५ जणांनी गमावला जीव

या घटनेपासून जावेद हा नहान येथून फरार झाला असून पोलिस त्याचा शोध घेत आहेत. हिंदू संघटनांनीही पोलिसांकडे तक्रारीत ही बाब नोंदवली आहे. जावेदने बहुधा नाहानमध्ये हे कृत्य केलेले नाही, असे समजते. या प्रकरणाची चौकशी सुरू असून जावेदचा ठावठिकाणा शोधला जात असल्याचे पोलिसांनी सांगितले. पोलिसांच्या मते, बळी म्हणून कोणत्या प्राण्याची कत्तल करण्यात आली, हे अद्याप स्पष्ट झालेले नाही.

जावेदच्या कथित कृत्याबद्दल नाहानमधील स्थानिक संतप्त आहेत. हिंदू संघटनांनी केलेल्या निषेधाचा एक कथित व्हिडिओ व्हायरल झाला आहे. ज्यात जावेदच्या दुकानासमोर प्रचंड गर्दी दिसून येते. तर, इतर समुदायातील जे नागरिक नाहान येथे दुकान उघडण्यासाठी आले आहेत, त्यांना अतिरिक्त पडताळणी करावी लागेल आणि त्यांना कोणत्याही पूर्वपरवानगीशिवाय दुकाने देऊ नयेत, असे आवाहन हिंदू संघटनांनी केले आहे.

एका विश्व हिंदू परिषदेच्या कार्यकर्त्याने दावा केला की, बाहेरील मुस्लिम नाहानसह संपूर्ण हिमाचल प्रदेश राज्यामध्ये जास्त भाड्याने दुकाने घेत आहेत. सर्वसामान्य माणसाला परवडत नसलेल्या जास्त भाड्याने दुकाने घेऊन हे लोक समाजातील शांतता बिघडवण्याचा प्रयत्न करत आहेत. त्यांनी उत्तर प्रदेशच्या सहारनपूरमध्ये जावेदवर कारवाई करण्याबाबतही सांगितले आहे.

spot_img

लेखकाकडून अधिक

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

आम्हाला follow करा

49,899चाहतेआवड दर्शवा
2,036अनुयायीअनुकरण करा
166,000सदस्य यादीसदस्य व्हा

इतर नवीनतम कथा