दीप्ती नंबर १ गोलंदाज, मंधानाला फटका

भारतीय महिला क्रिकेट संघाची स्टार अष्टपैलू खेळाडू दीप्ती शर्मा हिने टी२० प्रकारात जगातील नंबर १ गोलंदाज होण्याचा मान पटकावला आहे.

दीप्ती शर्माने ऑस्ट्रेलियाच्या एनाबेल सदरलँडला मागे टाकत अव्वल स्थान मिळवले आहे. टी२० गोलंदाजांच्या टॉप १० यादीत दीप्ती ही एकमेव भारतीय गोलंदाज आहे.
दुसऱ्या स्थानावर ऑस्ट्रेलियाची एनाबेल सदरलँड, तर तिसऱ्या स्थानावर पाकिस्तानची सादिया इकबाल आहे. दोघींनाही प्रत्येकी १-१ स्थानाचा तोटा झाला आहे.
चौथ्या स्थानावर इंग्लंडची सोफी एक्लेस्टन, पाचव्या स्थानावर लॉरेन बेल, सहाव्या स्थानावर दक्षिण आफ्रिकेची एन मल्बा, सातव्या स्थानावर ऑस्ट्रेलियाची जॉर्जिया वॉरहेम, आठव्या स्थानावर इंग्लंडची चॉर्ली डीन, नवव्या स्थानावर वेस्ट इंडिजची एफी फ्लेचर आणि दहाव्या स्थानावर पाकिस्तानची नशरा संधू आहे.

महिलांच्या नव्या वनडे फलंदाज रँकिंगमध्ये दक्षिण आफ्रिकेची कर्णधार लौरा वोल्वार्ड्ट हिने भारताच्या स्मृती मंधाना हिला मागे टाकत पुन्हा नंबर १ स्थान मिळवले आहे. वोल्वार्ड्टला १ स्थानाचा फायदा झाला असून मंधानाला १ स्थानाचा तोटा सहन करावा लागला आहे.

तिसऱ्या स्थानावर ऑस्ट्रेलियाची अ‍ॅश्ले गार्डनर, चौथ्या स्थानावर नॅट सिव्हर-ब्रंट, पाचव्या स्थानावर बेथ मूनी, सहाव्या स्थानावर अ‍ॅलिसा हीली, सातव्या स्थानावर सोफी डिव्हाईन, आठव्या स्थानावर एलिस पेरी, नवव्या स्थानावर हेली मॅथ्यूज आणि दहाव्या स्थानावर भारताची जेमिमा रोड्रिग्ज आहे.

महिलांच्या वनडे रँकिंगमध्ये केवळ मंधाना आणि वोल्वार्ड्ट यांच्या स्थानातच बदल झाला आहे.

महिलांच्या टी२० फलंदाज रँकिंगमध्ये ऑस्ट्रेलियाची बेथ मूनी पहिल्या, वेस्ट इंडिजची हेली मॅथ्यूज दुसऱ्या, भारताची स्मृती मंधाना तिसऱ्या, ऑस्ट्रेलियाची ताहिला मॅकग्राथ चौथ्या, दक्षिण आफ्रिकेची लौरा वोल्वार्ड्ट पाचव्या, श्रीलंकेची चमारी अट्टापट्टू सहाव्या, दक्षिण आफ्रिकेची तजमिन ब्रिट्स सातव्या, न्यूझीलंडची सुझी बेट्स आठव्या आणि भारताची जेमिमा रोड्रिग्ज नवव्या स्थानावर आहे.
रोड्रिग्जला ५ स्थानांचा मोठा फायदा झाला आहे. शेफाली वर्मा दहाव्या स्थानावर असून तिला १ स्थानाचा तोटा झाला आहे.