महिला जूनियर हॉकी विश्वचषकात भारताचा पहिला सामना नामीबियाशी

एफआयएच महिला जूनियर हॉकी विश्वचषक २०२५ स्पर्धेचे आयोजन चिलीच्या सॅंटियागो शहरात १ ते १३ डिसेंबर दरम्यान होणार आहे. या स्पर्धेत २४ संघांचा समावेश असून, भारताचा पहिला सामना १ डिसेंबरला नामीबियाविरुद्ध होणार आहे.

या दिवशीच यजमान चिली संघ नेदरलँड्सविरुद्ध आपली मोहीम सुरू करणार आहे. नेदरलँड्स सध्या ज्युनियर महिला हॉकी विश्वविजेती असून दुनियेत क्रमांक एकवर आहे.
स्पर्धेची सुरुवात जर्मनी आणि आयर्लंड यांच्यातील सामन्याने होईल.

📋 भारत पूल ‘सी’ मध्ये

भारतीय संघाला पूल ‘सी’ मध्ये स्थान देण्यात आले असून त्यांच्यासोबत जर्मनी, आयर्लंड आणि नामीबिया हे संघ आहेत.

भारताचे पुढील सामने:

• ३ डिसेंबर – जर्मनीविरुद्ध

• ५ डिसेंबर – आयर्लंडविरुद्ध

🏑 पहिल्यांदाच २४ संघ

२०२३ सालीही ही स्पर्धा सॅंटियागोमध्येच झाली होती, मात्र तेव्हा फक्त १६ संघ सहभागी होते.
यंदा प्रथमच २४ संघ स्पर्धेत सहभागी होणार आहेत. त्यामुळे सामने अधिक आणि स्पर्धेचा थरारही दुपटीने वाढणार, अशी अपेक्षा आहे.

🌍 पूलवाइज गट रचना

• पूल ‘अ’ : नेदरलँड्स, जपान, चिली, मलेशिया

• पूल ‘ब’ : अर्जेन्टिना, बेल्जियम, झिंबाब्वे, वेल्स

• पूल ‘सी’ : भारत, जर्मनी, आयर्लंड, नामीबिया

• पूल ‘ड’ : इंग्लंड, दक्षिण आफ्रिका, चीन, ऑस्ट्रिया

• पूल ‘ई’ : ऑस्ट्रेलिया, स्पेन, कॅनडा, स्कॉटलंड

• पूल ‘एफ’ : अमेरिका, कोरिया, न्यूझीलंड, उरुग्वे

७ डिसेंबरपासून क्रॉसओव्हर आणि नॉकआउट फेरी सुरू होईल, तर अंतिम सामना १४ डिसेंबरला होणार आहे.