टोकियो पॅरालिम्पिक २०२० मध्ये भारतीय ऍथलिट्सचा बोलबाला हा सुरुच आहे. मंगळवार, ३१ ऑगस्ट रोजी भारताने आत्तापर्यंत आणखीन तीन पदके आपल्या नावावर केली आहेत. हाय जंप अर्थात उंच उडी या क्रीडा प्रकारात भारताने एक नव्हे तर तब्बल दोन पदके जिंकली आहेत. तर त्या आधी सिंहराज अधनान याने शूटिंग या क्रीडा प्रकारात कांस्य पदकाची कमाई केली आहे. त्यामुळे टोकियो पॅरालिम्पिक २०२० मध्ये भारताच्या नावे आत्तापर्यंत एकूण दहा पदके जमा झाली आहेत.
सोमवार, ३१ ऑगस्ट रोजी पार पडलेल्या उंच उडी प्रकाराच्या अंतिम फेरीत भारताचे मरियप्पन थंगावेलू आणि शरद कुमार हे सहभागी झाले होते. या पैकी मरियप्पन हा तर गेल्या पॅरालिम्पिक स्पर्धेतील सुवर्ण पदक विजेता खेळाडू होता. या दोघांकडूनही भारतीयांना पदकाची अपेक्षा होती आणि त्यांनी कोणाचीच निराशा केली नाही.
हे ही वाचा:
तुमची बाहेर पडायला फाटते, त्यामध्ये आमचा काय दोष?
सिंहराज अधानाने मिळवले कांस्य पदक
मुंबईला पुन्हा मुसळधार पावसाने झोडपले, पुन्हा जागोजागी तुंबई
…आणि अमेरीकेचं शेवटचं विमान काबुलमधून उडालं
मरियप्पन याने १.८६ मीटर इतकी उंच उडी मारत रौप्यपदक आपल्या नावे केले. तर शरद कुमार याने १.८३ मीटर उंच उडी मारून कांस्य पदकावर शिक्कामोर्तब केले. या स्पर्धेत अमेरिकेचा सॅम ग्र्यु हा सुवर्ण पदक विजेता ठरला. त्याने १.८८ मीटर इतकी उंच उडी मारली.
मरियप्पन आणि शरद यांच्या कामगिरी मुळे सबंध भारत देशात आनंदाचे आणि उत्साहाचे वातावरण आहे. त्या दोघांवर कौतुकाचा वर्षाव केला जात आहे. पंतप्रधान नरेंद्र मोदी यांनी देखील ट्विटरच्या माध्यमातून या दोघांचे कौतुक केले आहे.
Soaring higher and higher!
Mariyappan Thangavelu is synonymous with consistence and excellence. Congratulations to him for winning the Silver Medal. India is proud of his feat. @189thangavelu #Paralympics #Praise4Para pic.twitter.com/GGhtAgM7vU
— Narendra Modi (@narendramodi) August 31, 2021
The indomitable @sharad_kumar01 has brought smiles on the faces of every Indian by winning the Bronze Medal. His life journey will motivate many. Congratulations to him. #Paralympics #Praise4Para pic.twitter.com/uhYCIOoohy
— Narendra Modi (@narendramodi) August 31, 2021
