कॅनडामध्ये भारतीय विद्यार्थिनीचा मृत्यू

कॅनडाच्या हॅमिल्टन शहरात भारतीय विद्यार्थिनीचा मृत्यू झाल्याच्या पार्श्वभूमीवर शनिवारी तिच्या कुटुंबियांनी माध्यमांशी संवाद साधला. कुटुंबियांनी सांगितले की, आमची मुलगी दोन वर्षांपूर्वी शिक्षणासाठी कॅनडाला गेली होती. कुटुंबियांनी दिलेल्या निवेदनात सांगितले की, दोन गटांमध्ये झालेल्या झगड्यात गोळीबार झाला आणि त्या दरम्यान आमच्या मुलीला गोळी लागली, ज्यामुळे तिचा मृत्यू झाला. त्यांनी केंद्र सरकारकडे तिचे पार्थिव भारतात परत आणण्याची मागणी केली आहे.

टोरोंटो येथील भारताच्या महावाणिज्य दूतावासानेही या विद्यार्थिनीच्या मृत्यूची पुष्टी केली आहे. दूतावासाने आपल्या सोशल मीडिया ‘एक्स’ हँडलवर पोस्ट करून ही माहिती दिली. या पोस्टमध्ये म्हटले आहे की, “हॅमिल्टनमध्ये भारतीय विद्यार्थिनी हरसिमरत रंधावा यांच्या निधनामुळे आम्हाला फार दु:ख झाले आहे. स्थानिक पोलिसांच्या माहितीनुसार, ती एक निष्पाप मुलगी होती जी गोळीबाराच्या घटनेत चुकून गोळी लागून मृत्युमुखी पडली. सध्या खुनाच्या प्रकरणात तपास सुरू आहे. आम्ही तिच्या कुटुंबियांच्या संपर्कात आहोत आणि सर्व आवश्यक मदत देत आहोत. या कठीण काळात आमच्या संवेदना आणि प्रार्थना शोकसंतप्त कुटुंबासोबत आहेत.

हेही वाचा..

२०३६ चे ऑलिंपिक गुजरातमध्ये आयोजित करण्याचा भारताचा प्रयत्न

संग्राम थोपटेंनी सोडला काँग्रेसचा ‘हात’! भाजपमध्ये करणार प्रवेश?

“बांगलादेशला जाण्यापूर्वी पुनर्विचार करा!” ट्रम्प प्रशासनाने अमेरिकन नागरिकांना का दिला इशारा?

भारतीय विद्यार्थिनीला कारने चिरडले

सांगितले जात आहे की, कॅनडाच्या हॅमिल्टन शहरात गोळी लागल्यामुळे भारतीय विद्यार्थिनीचा मृत्यू झाला. पोलिसांनीही याची पुष्टी केली आहे. मृत विद्यार्थिनीची ओळख पंजाबच्या तरनतारण जिल्ह्यातील हरसिमरत रंधावा म्हणून झाली आहे. ती मोहॉक कॉलेजमध्ये शिक्षण घेत होती. पोलिसांच्या माहितीनुसार, घटना घडली तेव्हा ती बसची वाट पाहत होती. पोलिस घटनास्थळी पोहोचले तेव्हा ती गंभीर जखमी अवस्थेत आढळली. तिला तातडीने रुग्णालयात नेण्यात आले, जिथे डॉक्टरांनी तिला मृत घोषित केले.

पोलिसांनी सांगितले की, घटनास्थळीचे व्हिडीओ रिव्ह्यू केल्यानंतर असं दिसून आलं आहे की एक अज्ञात व्यक्ती काळ्या रंगाच्या मर्सिडीजमधून लोकांवर गोळीबार करत होता. घटनेवर मोहॉक कॉलेजनेही अधिकृत निवेदन जारी करत दुःख व्यक्त केले आणि म्हटले की, “या दु:खद प्रसंगी आमच्या संवेदना विद्यार्थिनीच्या कुटुंबीयांसोबत आहेत. आम्ही आमच्या बाजूने शक्य ती सर्व मदत कुटुंबीयांना देण्यासाठी तयार आहोत.”