भारताची विचारसरणी सुरक्षा, जोडणी आणि संधी तत्वावर आधारित

पंतप्रधान नरेंद्र मोदी यांनी चीनच्या तियानजिन येथे झालेल्या शांघाय सहकार्य संघटना (एससीओ) परिषदेत भारताची विचारसरणी आणि धोरण मांडले. त्यांनी सांगितले की भारताची विचारसरणी व धोरण ‘एस – सिक्युरिटी (सुरक्षा), सी – कनेक्टिव्हिटी (जोडणी) आणि ओ – ऑपर्च्युनिटी (संधी)’ या तत्त्वांवर आधारित आहे. एससीओच्या बैठकीत पंतप्रधान मोदी म्हणाले, “मला एससीओ शिखर परिषदेतील सहभागाचा आनंद होत आहे. आमच्या भव्य स्वागतासाठी मी अध्यक्ष शी जिनपिंग यांचे आभार मानतो. आज उझबेकिस्तानचा स्वातंत्र्य दिन आहे, त्यांना मी शुभेच्छा देतो.”

एससीओबाबत बोलताना त्यांनी स्पष्ट केले, “भारताने एससीओचा सदस्य म्हणून अतिशय सकारात्मक भूमिका निभावली आहे. एससीओसाठी भारताची दृष्टी आणि धोरण हे तीन महत्त्वाच्या स्तंभांवर आधारित आहे — एस: सिक्युरिटी (सुरक्षा), सी: कनेक्टिव्हिटी (जोडणी) आणि ओ: ऑपर्च्युनिटी (संधी).” ते म्हणाले, “पहिला स्तंभ म्हणजे सुरक्षा. सुरक्षा, शांतता आणि स्थिरता ही कोणत्याही देशाच्या प्रगती आणि विकासाची पायाभरणी आहेत. परंतु दहशतवाद आणि फुटीरतावाद यांसारखे मोठे धोके या उद्दिष्टांना साध्य करण्यात अडथळा आणतात. दहशतवाद हा केवळ वेगवेगळ्या देशांच्या सुरक्षेसाठीच धोका नाही, तर संपूर्ण मानवजातीसाठी एक गंभीर आव्हान आहे.”

हेही वाचा..

डब्ल्यूएफपी कर्मचाऱ्यांना अटक

दहशतवाद्यांना आश्रय देणाऱ्यांना हा झटका!

शाहबाज शरीफ यांच्या उपस्थितीत पहलगाम हल्ल्याचा एससीओ देशांकडून तीव्र निषेध!

अफगाणिस्तान भूकंपाने हादरलं, ६२२ जणांचा मृत्यू!

दरम्यान, चीनचे राष्ट्राध्यक्ष शी जिनपिंग यांनी सोमवारी तियानजिन येथे शांघाय सहकार्य संघटनेच्या (एससीओ) शिखर परिषदेचे अध्यक्षस्थान भूषविले. या वेळी त्यांनी सदस्य देशांना उद्देशून केलेल्या भाषणात संघटनेच्या प्रगतीवर आणि भविष्यातील दिशेवर भर दिला. त्यांनी सांगितले की एससीओने आपल्या विकास आणि सहकार्यामध्ये ऐतिहासिक यश मिळवले असून ते या संघटनेच्या ताकदीचे द्योतक आहे. यापूर्वी, पंतप्रधान मोदींनी छायाचित्र सत्राशी संबंधित एक छायाचित्र सोशल मीडिया प्लॅटफॉर्म ‘एक्स’वर शेअर केले होते. त्यांनी लिहिले, “तियानजिनमधील एससीओ शिखर परिषदेत.”

लक्षात घेण्यासारखे म्हणजे, यावर्षी एससीओ शिखर परिषदेचे यजमानपद चीनकडे आहे. या गटात आठ सदस्य राष्ट्रांचा समावेश असून युरेशियन प्रदेशातील राजकीय, आर्थिक आणि सुरक्षा सहकार्य हा याचा प्रमुख फोकस आहे. ही पहिली वेळ आहे की पंतप्रधान मोदी सात वर्षांनंतर चीनला पोहोचले आहेत, विशेषतः 2020 मधील भारत-चीन सीमेवरील वादानंतरच्या गुंतागुंतीच्या द्विपक्षीय संबंधांच्या पार्श्वभूमीवर हा दौरा महत्वाचा मानला जातो.